Շտեֆան Ֆիւլէ. Հայաստանը կարճ ժամանակահատուածում արձանագրել է առաջընթաց
07-03-2012 20:23:26 | | Քաղաքական
Նախագահ Սերժ Սարգսեանի Բելգիայի Թագաւորութիւն կատարած աշխատանքային այցն աւարտուել է ԵՄ ընդլայնման եւ եւրոպական հարեւանութեան քաղաքականութեան հարցերով յանձնակատար Շտեֆան Ֆիւլէի հետ հանդիպմամբ:
Ինչպէս "Նոյեան Տապան"-ին յայտնեցին ՀՀ նախագահի Մամլոյ գրասենեակից, զրուցակիցներն անդրադարձել էն ՀՀ-ԵՄ յարաբերութիւնների ներկայ վիճակին, եւրաինտէգրման ուղղութեամբ Հայաստանի ստանձնած պարտաւորութիւնների կատարման ընթացքին, ԵՄ օժանդակութեամբ իրականացուող եւ հեռանկարային ծրագրերին, այդ թւում` Հայաստանում ձեռնարկուած լայնածաւալ բարեփոխումների գործընթացին, որը մեր երկիրը, Նախագահի հաւաստմամբ, վճռական է զարգացնելու ԵՄ չափանիշներին համապատասխան:
Շտեֆան Ֆիւլէն նշել է, որ չափազանց տպաւորուած է այն առաջընթացով, որը կարճ ժամանակահատուածում Հայաստանի Հանրապետութիւնն արձանագրել է Արեւելեան գործընկերութեան ծրագրի ներքոյ իրականացուած բարեփոխումներով:
ՀՀ նախագահը եւ ԵՄ ընդլայնման եւ եւրոպական հարեւանութեան քաղաքականութեան հարցերով յանձնակատարը մանրամասն քննարկել էն բոլոր ուղղութիւններով Հհ-եմ յարաբերութիւնների զարգացման հեռանկարը, այդ թւում` ԵՄ Արեւելեան գործընկերութեան նոր գաղափարախօսութեան հիմքում ընկած «աւելին` աւելիի դիմացէ սկզբունքը, որը նախատեսում է Եւրամիութեան կողմից գործընկեր երկրներին աւելի շատ աջակցութեան տրամադրում` աւելի շատ բարեփոխումների դիմաց:
Նախագահ Սերժ Սարգսեանի գլխաւորած պատուիրակութիւնը, աւարտելով աշխատանքային այցը Բելգիայի Թագաւորութիւն, վերադառնում է Երեւան: