ԵԱՀԿ երեւանեան գրասենեակի կողմից կազմակերպուած ԵԱՀԿ մոդել համաժողովում Հայաստանի ուսանողները քննարկում էն միգրացիայի եւ թրաֆիքինգի թեմաները
05-11-2010 19:26:31 | Հայաստան | Մամլո հաղորդագրություն
ԵՐԵՒԱՆ, 5 նոյեմբերի 2010թ. Հայաստանի ուսանողների ԵԱՀԿ մոդել մշտական խորհրդի հանդիպումն այսօր սկսուեց միգրացիայի եւ թրաֆիքինգի թեմաների շուրջ քննարկումներով:
Համաժողովի մասնակից վաթսունչորս ուսանողները ԵԱՀԿ երեւանեան գրասենեակի կողմից կազմակերպուած` երկու օր տեւողութեամբ դերախաղային միջոցառման ընթացքում կը փորձեն մշակել հիպոթետիկ երկրում ապօրինի աշխատանքային միգրացիայի կանխարգելման գործողութիւնների ծրագիր:
«ԵԱՀԿ մոդելի պատուիրակների` տարբեր խնդիրների շուրջ բանակցելու եւ հանգուցալուծում գտնելու եռանդն ու մղումը ոգեւորիչ է: Այս վարժութիւնը երիտասարդներին հնարաւորութիւն կ'ընձեռի աւելի խորքային ուսումնասիրել միջազգային կառոյցներն ու մեխանիզմները», - ասաց ԵԱՀԿ երեւանեան գրասենեակի ղեկավարի պաշտօնակատար Քարել Հոֆսթրան. «Աւելին` ուշադիր ունկնդրելու եւ բանակցելու սեփական փորձն օգտակար կը լինի մասնակիցների համար` ինչպէս նաեւ հանրութեան, յետագայ ցանկացած նախաձեռնութիւններում»:
Երեւանի պետական մանկավարժական համալսարանի ուսանող Արմէն Մարտիրոսեանը, ով դեսպանի դեր էր ներկայացնում ԵԱՀԿ մոդել համաժողովում, նշեց. «Մարդկանց թրաֆիքինգը ամենահրատապ խնդիրներից է ԵԱՀԿ տարածաշրջանում եւ նրա սահմաններից դուրս: Մենք մշակել ենք թրաֆիքինգի յաղթահարման հայեցակարգ եւ գործողութիւնների ծրագիր` մասնակից բոլոր կողմերի համագործակցութեամբ: Այսօրուայ ինտէգրացուած աշխարհում մենք ունենք ներուժ` համատեղ ջանքերով անդրադառնալու համընդհանուր մարտահրաւէրներին: Երկրորդ անգամն է էս մասնակցում եմ ԵԱՀԿ մոդելին. այն հնարաւորութիւն է դիտարկելու միջազգային եւ քաղաքական գործընթացներն աւելի լայն տեսանկիւնից»:
Մասնակիցներին ԵԱՀԿ մոդելին նախապատրաստելու համար կազմակերպուել էին սեմինարներ` թրաֆիքինգի դէմ պայքարի ԵԱՀԿ կառոյցների եւ մեխանիզմների մասին, ինչպէս նաեւ միջազգային յարաբերութիւնների, հրապարակախօսութեան եւ բանակցելու հմտութիւնների վերապատրաստման դասընթացնէր:
ԵԱՀԿ երեւանեան գրասենեակը կազմակերպել է մի շարք ԵԱՀԿ մոդել համաժողովներ նաեւ Հայաստանի մարզերում:
ԵԱՀԿ երեւանեան գրասենեակ