Բրոնիսլաւ Կոմորովսկին կարեւորել է լեհաստանաբնակ հայերի
դերակատարումը երկրի զարգացման գործում
21-06-2010 20:58:00 | Հայաստան | Քաղաքական
ԵՐԵՎԱՆ, 21 ՅՈՒՆԻՍԻ, ՆՈՅԵԱՆ ՏԱՊԱՆ: Յունիսի 21-ին ՀՀ
արտգործնախարար Էդվարդ Նալբանդեանը «Զվարթնոց» օդանավակայանում
հանդիպում է ունեցել տարանցիկ այցելութեամբ Հայաստան ժամանած
Լեհաստանի Սեյմի նախագահ, նախագահի պաշտօնակատար Բրոնիսլաւ
Կոմորովսկու հետ:
Հանդիպմանը քննարկուել են հայ-լեհական երկկողմ
յարաբերութիւններին, Հայաստան-Եւրոպական Միութիւն
համագործակցութեանը առնչուող մի շարք հարցեր: Բ.Կոմորովսկին
կարեւորել է լեհաստանաբնակ հայերի դերակատարումը Լեհաստանի
զարգացման, ինչպէս նաեւ` երկու պետութիւնների միջեւ
համագործակցութեան խթանման գործում:
Է.Նալբանդյանն ու Բ.Կոմորովսկին մտքեր են փոխանակել նաեւ
տարածաշրջանային զարգացումների շուրջ: