Ադրբեջանին ձեռնտու չէ խաղաղ ճանապարհով լուծել ԼՂ հարցը
16-03-2011 15:54:54 | Հայաստան | Քաղաքական
«ԵԱՀԿ Մինսկի խումբը մի օր հասկանալու է, որ երկու կողմերից ոչ կառուցողականն Ադրբեջանն է, եւ ժամանակն է, որ Արցախը դառնա բանակցային կողմ»,- մարտի 16-ի ասուլիսում յայտարարեց քաղաքագէտ Սերգեյ Շաքարեանցը:
Նա նշեց, որ հակամարտութեան կարգաւորման գործընթացը փակուղում է յայտնուել Ադրբեջանի գործող ղեկավարութեան պատճառով, ով փորձում է ռազմատենչ յայտարարարութիւններով եւ ապակառուցողական մօտեցմամբ պահպանել երկրում իր հիմքերը: «Ադրբեջանին ձեռնտու չէ խաղաղ ճանապարհով լուծել ԼՂ հարցը, քանի որ այդ դէպքում Ալիեւի կլանը ստիպուած կը լինի արդարանալ հասարակութեան առջեւ», - ասաց Ս.Շաքարեանցը: