Մարմարա Ֆորպս հեղինակաւոր ամսագրի համաձայն, տոլարի միլիառատէրերու թիւով առաջին տեղը կը գրաւէ Ռուսաստանի մայրաքաղաք Մոսկուա։ Այստեղ կը բնակի 79 միլիառատէր։ Երկրորդ կարգի վրայ է Նիւ Եորք՝ 58 տոլարի միլիառատէրով։ Պի Պի Սի կը հաղորդէ թէ ընդհանուր առմամբ ամբողջ աշխարհի մէջ կը բնակին 1209 միլիառատէրեր։ Արդէն երկու տարիէ ի վեր շարունակ աշխարհի ամենահարուստ մարդը կը ճանչցուի մեքսիքացի Քառլոս Սլիմ։ Իր նիւթական կարողութիւնները աւելցած են 3 միլիառով եւ կը կազմեն 60 միլիառ տոլար։ Երկրորդ կարգի վրայ է Մայքրոսոֆթի ղեկավար Պիլ Կէյթս, 56 միլիառով, իսկ երրորդ տեղը կը գրաւէ Ուորէն Պաֆէթ՝ 50 միլիառով։

---