Փաստաբանները ահազանգում են ոստիկանութեան բաժանմունքում
իրենց պաշտպանեալներին խոշտանգելու մասին
16-02-2011 19:50:00 | Հայաստան | Հասարակութիւն
ԵՐԵՎԱՆ, 16 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Փաստաբաններ Տիգրան
Սաֆարեանն ու Գիվի Յովհաննիսեանը փետրուարի 16-ի ասուլիսում
յհայտարարեցին, որ իրենց պաշտպանյալներ Ստեփան Հովակիմեանը եւ
Վահրամ Քերոբյանը ոստիկանութեան բաժանմունքում ինքնախոստովանական
ցուցմունքներ են տուել խոշտանգումների հետեւանքով: Նրանց
պաշտպանյալները մեղադրւում են 2010թ.-ին Երեւանի «Մոսկուա»
կինոթանտրոնի դրամարկղից շուրջ 5 մլն դրամ գողանալու մէջ:
Մեղադրանքը պաշտպանները համարում են շինծու, քանի որ կինոթատրոնի
տեսախցիկների տեսագրություններից յստակ երեւում է, որ իրենց
պաշտպանյալները չեն կատարել այդ գողութիւնը:
Փաստաբանները նշեցին, որ դատաբժշկական փորձաքննություն չի
կատարուել, իսկ երիտասարդներին մահակներով հարուածներ են հասցրել
ոտնաթաթերի տակ, որպէսզի վնասվածքները տեսանելի չլինեն:
Փաստաբանները դիմել են հայաստանեան ու միջազգային տարբեր
իրաւապաշտպան կազմակերպութիւնների, նաեւ ԵԽ մարդու իրաւունքների
յանձնակատար Թոմաս Համմարբերգին: Դրան ի պատասխան Յատուկ քննչական
ծառայութիւնը դիմել է ոստիկանութեանը` ծառայողական քննություն
կատարելու պահանջով, որը սակայն ոչինչ չի պարզել: