ԵՐԵՎԱՆ, 15 ՓԵՏՐՈՒԱՐԻ, ՆՈՅԵԱՆ ՏԱՊԱՆ: 2010թ. ապրիլ ամսին մեկնարկած «Պատմութեան եւ մշակոյթի էջեր» ծրագրի արդիւնքներն ամփոփելու եւ 2011թ.-ի խնդիրները ներկայացնելու նպատակով փետրուարի 16-ին ՀՀ պաշտպանութեան նախարար Սեյրան Օտանյանը կհանդիպի ծրագրի մասնակից գիտութեան եւ մշակոյթի գործիչների, զինուած ուժերի հետ համագործակցող հասարակական կազմակերպութիւնների, կրթամշակութային հաստատութիւնների ներկայացուցիչների եւ ՀՀ ՊՆ-ին առընթեր հասարակական խորհրդի անդամների հետ: Ինչպէս նշուած է «ՆՏ»-ին տրամադրած հաղորդագրութիւնում, «Պատմութեան եւ մշակոյթի էջեր» ծրագրի շրջանակներում 2010թ.-ին կատարուել է 153 այցելութիւն զինուած ուժերի զօրամասեր, կազմակերպուել 241 դասախոսութիւն: Ծրագրին մասնակցել են գիտութեան եւ մշակոյթի ոլորտի 127 ներկայացուցիչներ, ներգրաւուած են եղել գիտակրթական եւ մշակոյթային 14 հաստատութիւններ:

---