«ART EXPO-2011»-ը աւելի լայնածաւալ է ներկայացնում
պատմամշակութային ժառանգութեան ոլորտը
11-02-2011 17:28:00 | Հայաստան | Մշակոյթ
ԵՐԵՎԱՆ, 11 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Նախորդ տարիներից այս
ցուցադրությունը տարբերւում է նրանով, որ նկատելի է մրցակցութեան
աճ եւ ձգտում հասնել աւելի բարձր նշաձողի: Փետրուարի 11-ին «ART
EXPO-2011» արուեստների ցուցահանդէսի բացմանը այս մասին նշեց ՀՀ
մշակոյթի նախարար Յասմիկ Պողոսեանը: Նախարարի գնահատմամբ, այս
ցուցադրությունը նախորդներից առանձնանում է յատկապէս նրանով, որ
աւելի յստակ, աւելի լայնածաւալ է ներկայացնում պատմամշակութային
ժառանգութեան ոլորտը:
Ինչպէս նշեց «Ոսկէ ծիրան» միջազգային կինոփառատօնի նախագահ
Յարութիւն Խաչատրեանը, «Ոսկէ ծիրան»-ի նոր ծրագիրը շատ հագեցած է,
բացի հիմնական ծրագրերից, երիտասարդ կինեմատոգրաֆիստներին
առաջարկուել է «նոր կինո, նոր շունչ» բերել փառատօնին: Ներկայումս
աշխատանքներ են տարւում «Նոր հայեացք» ծրագրի իրականացման
ուղղութեամբ: Նախատեսւում է լատինաամերիկեան եւ իտալական ֆիլմերի
ռետրոսպեկտիւ ցուցադրություն: Փառատոնի շրջանակներում նշուելու են
հայազգի նշանաւոր կինոգործիչների` Ռոման Բալայեանի, Էդմոնդ
Քեոսայանի, Դմիտրի Կեսայանցի, յոբելեանները` նրանց կինոնկարների
ռետրոսպեկտիւ ցուցադրությամբ:
Շուրջ մէկ տարուայ պատմութիւն ունեցող «Ռոբերտ Սահակյանց»
ստուդիայի հիմնադիրներից մէկը, ռեժիսոր-մուլտիպլիկատոր Դավիթ
Սահակեանցը յայտնեց, որ Ազգային կինոկենտրոնի հետ համատեղ
80-րոպէանոց մուլտֆիլմ-հեքիաթ է նկարահանւում Ղազարոս Աղայեանի
«Անահիտ» հեքիաթի մոտիվներով: «Անիմացիան փորձում ենք անել
մաքսիմալ հարուստ, մաքսիմալ դինամիկ, մաքսիմալ հետաքրքիր նախ
երեխաների համար: Չենք մոռանում նաեւ մեծատասակներին` ֆիլմում
տեսարաններ կլինեն, որոնք հետաքրքիր կլինեն նրանց համար»,- ասաց
ռեժիսորը:
Հայաստանի ազգային կինոկենտրոնի տնօրէն Գեւորգ Գեւորգեանը
նշեց, որ առաջին անգամ հայկական կինոարտադրության պատմութեան մէջ
մտադիր են երկու հայկական ֆիլմ ներկայացնել Կաննի կինովառատոնին:
Դրանք Արամ Սուքիասյանի «Լուսապսակ» եւ Արտակ Իգիթեանի «Վանա լճի
լուսաբացը» ֆիլմերն են: Կինոկենտրոնի տնօրէնը գոհունակութիւն
յայտնեց, որ եթէ նախկինում տարեկան ընդամէնը մէկ ֆիլմ էր
նկարահանւում, ապա ներկայումս տարեկան նկարահանւում են 7-ը: Միայն
2010թ. 14 հայկական ֆիլմ մասնակցել է 30-ից աւելի փառատոների,
բազում մրցանակներ ստացել:
Հայաստանի Մշակոյթի նախարարութեան նախաձեռնութեամբ եւ
«Էքսպոմեդիա» կենտրոնի կողմից կազմակերպուած ցուցահանդեսին
մասնակցում են շուրջ 50 պետական եւ հասարակական մշակոյթային
կազմակերպութիւններ` թանգարաններ, ցուցասրահներ, թատերական,
համերագային կազմակերպութիւններ: