Մարմարա Ռուսաստանի Չէլեապինսք մարզի նահանգապետ Միխայիլ Եուրեւիչ նոր տեղակալ մը նշանակելու հրամանագիր ստորագրեց եւ այդ հսկայ մարզի փոխ-նահանգապետ նշանակուեցաւ հայազգի Ալէքսէյ Յովակիմեան։ Ան հարաւ-ուրալեան նահանգապետի տեղակալ նշանակուեցաւ իրաւական, կալուածներու եւ ներդրումային հարցերով։ Վերջին վեց տարիներու ընթացքին Յովակիմեան »Ավուար« ընկերութեան զարգացման գծով գործադիր տնօրէնն էր եւ հիմնադիրը։ Աշխատանքային կենսագրութեան առաջին տարիներուն Յովակիմեան աշխատած է հարկային ոստիկանութեան համակարգի մէջ։ 2004էն ի վեր ան կը գլխաւորէ »Քորփորէյշըն Սէմվոլ« ընկերութիւնը։ Զուգահեռաբար Յովակիմեան զբաղած է մանկավարժական գործունէութեամբ, ստանալով տնտեսական գիտութիւններու թեկնածուի կոչում։ Ան նաեւ Ռուսաստանի Նախագահի Ուրալի դաշնային մարզի լիազօր ներկայացուցիչն էր։

---