Հայ եկեղեցու ներկայացուցիչը մասնակցել է Իրաքի կրոնական
առաջնորդների հանդիպմանը
22-01-2011 11:40:00 | Հայաստան | Հասարակութիւն
ԷՋՄԻԱԾԻՆ, 22 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Փետրուարի 18-ին,
Ժնեւում, Եկեղեցիների Համաշխարհային Խորհրդի կենտրոնական կոմիտէի
ժողովի շրջանակներում տեղի ունեցաւ Իրաքի կրոնական առաջնորդների
հանդիպումը:
Ինչպէս «ՆՏ»-ին յայտնեցին Մայր Աթոռ Սբ. Էջմիածնի
Տեղեկատուական համակարգից, Գարեգին Բ Ամենայն Հայոց Կաթողիկոսի
օրհնութեամբ այս հանդիպմանը Հայ Առաքելական Սուրբ Եկեղեցին
ներկայացնում էր Իրաքի Հայոց թեմի առաջնորդ Տ. Աւագ արքեպիսկոպոս
Ասատուրեանը, ով հանդիսանում է նաեւ Իրաքի քրիստոնեական
Եկեղեցիների առաջնորդների խորհրդի գլխաւոր քարտուղարը:
Հանդիպման մասնակիցներն անդրադարձել են վերջերս Իրաքում
քրիստոնյաների դէմ կիրառուած հալածանքներին եւ ահաբեկչական
գործողութիւններին: Կենտրոնական կոմիտէի ընդլայնուած կազմով նիստի
ժամանակ նրանք ընդգծել են Իրաքի բոլոր բնակիչների համար
անվտանգութեան ապահով միջավայր ստեղծելու անհրաժեշտութիւնը: Իրաքի
կրոնական առաջնորդները շեշտել են, որ Եկեղեցին Իրաքում շարունակում
է մնալ ճնշման տակ, եւ, եթէ այսպէս շարունակուի, քրիստոնյաները
կկանգնեն խիստ վտանգի առաջ: