Հստակեցվել են այն ուղղութիւնները, որոնց շրջանակում Երեւանը
կհամագործակցի ՉԺՀ քաղաքների հետ
21-01-2011 18:24:00 | Հայաստան | Հասարակութիւն
ԵՐԵՎԱՆ, 21 ՅՈՒՆՎԱՐԻ, ՆՈՅԵԱՆ ՏԱՊԱՆ: Երեւանի եւ Չինաստանի
քաղաքների միջեւ համագործակցութեան ընդլայնման եւ փոխշահավետ
ծրագրերի իրականացման խնդիրներ են քննարկուել Երեւանի քաղաքապետ
Կարեն Կարապետեանի եւ Հայաստանում Չինաստանի արտակարգ եւ լիազօր
դեսպան Թիան Չանչունի յունվարի 21-ի հանդիպմանը:
Ըստ Երեւանի քաղաքապետարանի Տեղեկատուութեան եւ
հասարակայնութեան հետ կապերի վարչութեան հաղորդագրութեան, կողմերը
հստակեցրել են բոլոր այն ուղղութիւնները, որոնց շրջանակում
քաղաքապետարանը պատրաստ է համագործակցել ՉԺՀ քաղաքների հետ:
Շնորհաւորելով Կ.Կարապետեանին Երեւանի քաղաքապետի պաշտօնում
ընտրուելու կապակցութեամբ, դեսպանն ասել է. «Համոզուած եմ, որ Ձեր
պաշտօնավարման ընթացքում Երեւանը կունենայ բուռն զարգացում եւ է'լ
աւելի կգեղեցկանա»: