Այսօր` յուլիսի 25-ին, Երեւանի Զօրավար Անդրանիկի հրապարակում (Մալաթիա-սեբաստիայ համայնքում) «Մէկ ազգ, մէկ մշակոյթ» համահայկական 4-րդ փառատօնի «Կատարողական արուեստի օրեր» ծրագրի շրջանակներում տեղի ունեցաւ «Սփիւռքը` Հայաստանին» բարեկամութեան համերգ: Համերգից յետոյ մասնակիցների հետ կայացած զրոյցներից զգացւում էր, որ վերջիններս բաւականին յուզուած էին, ինչը, սակայն ամենեւին չխանգարեց նրանց ելոյթին: Հանդիսատեսն իր գոհունակութիւնը յայտնեց փառատօնի կազմակերպիչներին, որ հնարաւորութիւն է ընձեռում Երեւանի բնակչութեանը ծանօթանալ սփիւռքահայութեան արուեստի գործիչների հետ: «Կատարողական արուեստի օրեր» ծրագրի շրջանակներում «Սփիւռքը` Հայաստանին» խորագրի ներքոյ եւս մէկ բարեկամական համերգ անցկացուեց Երեւանում: Գ.Սունդուկեանի անուան ազգային ակադեմիական թատրոնում յուլիսի 25-ին տեղի ունեցած համերգին մասնակցում էին սփիւռքից Հայաստան ժամանած բազմաթիւ մասնակիցնէր: Նրանց թւում էին Լղհ-ի «Քնար» ժողովրդական գործիքների համոյթը, Սոչիի «Նաիրի» պարային համոյթը, Էստօնիայից ժամանած վոկալ դուէտը, Ուկրաինայի «Արմէնիայ» պարային համոյթը, Վրաստանի «Վանք» պարային համոյթը, Կանադայի «Սասուն» պարային համոյթը, Իրանից ժամանած երգչուհի Զարենուշ Աղուրեանը եւ ուրիշներ: Զարենուշ Աղուրեանը փառատօնին մասնակցում է արդէն չորրորդ անգամ: Ըստ նրա, այս տարի փառատօնն էլ աւելի լաւ է կազմակերպուած: Հանդիսատեսը եւս յայտնեց իր գոհունակութիւնը եւ հաւաստիացրեց, որ «հայերն իրօք մէկ ազգ են եւ մէկ մշակոյթ ունեն»:

---