Նոր նշանակումներ են կատարուել Հայաստանեայց Առաքելական Սուրբ Եկեղեցու թեմերում
27-12-2010 16:06:00 | Հայաստան | Հասարակութիւն
ԷՋՄԻԱԾԻՆ, 27 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: Գարեգին Բ Ծայրագոյն Պատրիարք եւ Ամենայն Հայոց Կաթողիկոսի տնօրինությամբ մի քանի նորաօծ եկեղեցականներ, աւարտելով քառասնօրյա պատրաստութեան շրջանը, ծառայութեան են կոչուել Հայաստանեայց Առաքելական Սուրբ Եկեղեցու տարբեր թեմերում եւ հաստատութիւններում:
Տ. Անդրէաս աբեղայ Եզեկյանը նշանակուել է Գեւորգեան հոգեւոր ճեմարանի ուսումնական գծով փոխտեսուչ: Տ. Պարթեւ քահանա Մուրադեանը հոգեւոր սպասավորության է կոչուել Արարատեան Հայրապետական թեմում, Տ. Մասիս քահանա Վարդերեսեանը` Գուգարաց թեմում, Տ. Զոհրապ քահանա Մանասեանը` Կոտայքի թեմում, Տ. Արշեն քահանա Սարգսեանը` Շիրակի թեմում: