Կառավարութեան որոշմամբ նուազագոյնի են հասցւում տրանսպորտի հաշուառման ծախսերը
16-12-2010 21:09:04 | Հայաստան | Հասարակութիւն
ԵՐԵՎԱՆ, 16 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: Դեկտեմբերի 16-ի նիստում ՀՀ կառավարութիւնը փոփոխել է իր աւելի վաղ ընդունած որոշումներից մէկը, ինչը պայմանաւորուած է տրանսպորտային միջոցը հաշուառումից ժամանակաւոր հանելու եւ հաշուառումից ժամանակաւոր հանուած տրանսպորտային միջոցի հաշուառումը վերականգնելու ծախսերը նուազագոյնի հասցնելու անհրաժեշտութեամբ:
Մասնաւորապէս, վերը նշուած գործողութիւնները այլեւս չեն համարուի հաշուառման գործողութիւններ եւ դրանց համար չի պահանջուի վճարել օրէնքով սահմանուած 5000 դրամ վճարը:
Վարչապետ Տ.Սարգսեանը նշել է այս որոշման կարեւորութիւնը յատկապէս գիւղատնտեսութեան ոլորտում զբաղուած բնակիչների համար: Կառավարութեան խնդիրն է նրանց ուսերին չդնել լրացուցիչ ֆինանսական բեռ: Այսպիսով, բարենպաստ պայմաններ են ստեղծւում հազարաւոր մարդկանց համար: