ԱՇՈՑՔ, 15 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: Հայաստանի փոխվարչապետ, տարածքային կառավարման նախարար Արմէն Գեւորգեանը դեկտեմբերի 15-ին այցելեց Շիրակի մարզի Աշոցք համայնք: Շիրակի մարզպետի, «Հայաստան» համահայկական հիմնադրամի ներկայացուցչի, համայնքապետի ուղեկցութեամբ նա ծանօթացաւ համայնքի դպրոցի շէնքային պայմաններին, որից յետոյ համայնքապետարանում կայացած խորհրդակցութեանը քննարկվեց դպրոցի կառուցման հարցը: «Հայաստան» հիմնադրամի կողմից նոր` 400 աշակերտի համար նախատեսուած, դպրոց կառուցելու առաջարկութիւն է եղել: Ծրագիրը գտնուելու է հիմնադրամի Ֆրանսիայի տեղական մարմնի հովանու ներքոյ: Ա.Գեւորգեանը համայնքապետին հորդորեց սեղմ ժամկէտներում քննարկել եւ հիմնադրամին հողայատկացման վերաբերեալ առաջարկութիւն ներկայացնել, ինչպէս նաեւ աջակցել հիմնադրամին` վերջնական որոշման կայացման հարցում:

---