Ամենայն Հայոց Կաթողիկոսն Արցախում այցելեց առաջնագիծ
08-09-2016 17:56:54 | | Մամլո հաղորդագրություն
Սեպտեմբերի 8-ի առաւօտեան Արցախում Ն․Ս․Օ․Տ․Տ․ Գարեգին Բ Ծայրագոյն Պատրիարք եւ Ամենայն Հայոց Կաթողիկոսը, ուղեկցութեամբ ՊԲ հրամանատարի ԱՀՏԱ գծով տեղակալ գեներալ-մայոր Վարդան Բալայեանի, այցելեց մարտական դիրքեր` հայրապետական իր օրհնութիւնը բերելով առաջնագծում իրենց ծառայութիւնն իրականացնող ՊԲ հրամանատարներին եւ զինուորներին: Նորին Սրբութեանն ուղեկցում էին նաեւ Գերագոյն հոգեւոր խորհրդի անդամները:
«Մեր օրհնութիւնը, գնահատանքն ու շնորհակալութիւնը ձեզ` նուիրեալ ձեր ծառայութեան համար, որ իրականացնում էք` անվտանգ պահելով մեր սահմանները եւ պահպանելով անդորրը Արցախի, նաեւ Հայաստանի մեր ժողովրդի», - իր խօսքում նշեց Ամենայն Հայոց Կաթողիկոսը: