Հայաստանի ԱԱԽ-ի քարտուղար Արթուր Բաղդասարեանն ընդունել է
Գերմանիայի նորանշանակ դեսպան Հանս-Յոխեն Շմիդթին
16-11-2009 16:20:00 | Հայաստան | Քաղաքական
ԵՐԵՎԱՆ, 16 ՆՈՅԵՄԲԵՐԻ, ՆՈՅԵԱՆ ՏԱՊԱՆ: Հայաստանի Ազգային
անվտանգութեան խորհրդի քարտուղար Արթուր Բաղդասարեանի եւ ՀՀ-ում
Գերմանիայի Դաշնային Հանրապետութեան նորանշանակ դեսպան Հանս-Յոխեն
Շմիդթի նոյեմբերի 16-ի հանդիպմանը քննարկուել են հայ-գերմանական
երկկողմ յարաբերութիւններին վերաբերող հարցեր:
Ա.Բաղդասարեանը բարձր է գնահատել Գերմանիայի
ներգրավվածությունը Հայաստանում տարբեր ծրագրերի իրականացման
գործում եւ հոյս է յայտնել, որ Հանս-Յոխեն Շմիդթը պաշտօնավարման
ընթացքում կարեւոր ներդրում կունենայ տարբեր ոլորտներում
հայ-գերմանական համագործակցութեան առաւել զարգացման գործում:
Անդրադարձել է եղել նաեւ Հայաստանի` միջազգային կառոյցների հետ
համագործակցութեան խնդիրներին, մասնաւորապէս`
Հայաստան-Եվրամիություն համագործակցութեան ծրագրին:
Ըստ ԱԱԽ-ի քարտուղարի մամուլի գրասենեակի հաղորդագրութեան,
դեսպանի խնդրանքով Ա.Բաղդասարեանը ներկայացրել է հայ-թուրքական
յարաբերութիւնների կարգաւորման ընթացքը: