«Նաիրիտ» գործարանում արտադրութիւնը նախատեսւում է վերսկսել
օգոստոսի երկրորդ կէսին
28-07-2009 20:00:00 | Հայաստան | Տնտեսութիւն
ԵՐԵՎԱՆ, 28 ՅՈՒԼԻՍԻ, ՆՈՅԵԱՆ ՏԱՊԱՆ: «Նաիրիտ» գործարանի
քլորոպրենի արտադրամասում տեղի ունեցած վթարից յետոյ նախատեսւում է
գործարանում արտադրութիւնը վերսկսել օգոստոսի երկրորդ կէսին: Այս
մասին «ՆՈՅԵԱՆ ՏԱՊԱՆ»-ի թղթակցին յայտնեց գործարանի մամուլի
քարտուղար Անուշ Յարութիւնեյանը:
Նրա խօսքերով, գործարանում ներկայումս ընթանում են
վերանորոգման եւ վերագործարկման աշխատանքներ: Վերանորոգման
աշխատանքներն ընթանում են ոչ միայն հրդեհից տուժած արտադրամասում,
այլեւ ամբողջ գոծարանում: Այդ աշխատանքների համար ընդհանուր առմամբ
կծախսուի մօտ 150 հազար ԱՄՆ դոլար:
Ա.Յարութիւնեյանը նշեց, որ գործարանում եղել է պահեստաւորուած
արտադրանք, որն էլ իրացւում է արտադրութեան դադարի փուլում: Ըստ
նրա, աշխատանքների դադարից յետոյ գործարանը որեւէ շուկայ չի կորցրել,
արտադրանքն էլ իրացուել է պահանջարկի չափով:
Անդրադառնալով քլորոպրենի արտադրամասում տեղի ունեցած
պայթիւնի պատճառներին, Ա.Յարութիւնեյանը նշեց, որ քննչական
մարմինները դեռեւս ճշտում են դրանք: «Մինչեւ նրանք պաշտօնապէս
չհրապարակեն իրենց եզրակացութիւնը եւ այն չհամեմատվի ստեղծուած
հանձանաժողովի արդիւնքների հետ, մենք որեւէ բան ասել չենք
կարող»,- նշեց Ա.Յարութիւնեյանը: