Կայացել է Հայաստանում գիւղական տարածքների տնտեսական զարգացման հիմնադրամի Հոգաբարձուների խորհրդի հերթական նիստը
05-10-2010 16:18:00 | Հայաստան | Տնտեսութիւն
ԵՐԵՎԱՆ, 5 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Պոկտեմբերի 5-ին տեղի է ունեցել Հայաստանում գիւղական տարածքների տնտեսական զարգացման հիմնադրամի (FREDA) Հոգաբարձուների խորհրդի հերթական նիստը, որը վարել է ՀՀ վարչապետ, խորհրդի նախագահ Տիգրան Սարգսեանը:
Հիմնադրամի տնօրէն Տիգրան Խանիկեանը զեկուցել է Հոգաբարձուների խորհրդի կազմում եւ հիմնադրամի կանոնադրութեան մէջ փոփոխութիւններ կատարելու հարցի վերաբերեալ, ինչը հաւանութեան է արժանացել խորհրդի անդամների կողմից: Վարչապետը կարեւորել է խորհրդի կազմում նաեւ էկոնոմիկայի նախարարութեան ներկայացուցչի ներգրաւումը ու յանձնարարել համապատասխան փոփոխութիւններ կատարել հիմնադրամի կանոնադրութիւնում:
Մէկ այլ հարցով վերահաստատուել են նաեւ Հայաստանում գիւղական տարածքների տնտեսական զարգացման հիմնադրամի Ներդրումային կոմիտէի անդամների լիազորութիւնները:
Ըստ ՀՀ կառավարութեան Տեղեկատուութեան եւ հասարակայնութեան հետ կապերի վարչութեան հաղորդագրութեան, ծաւալուած մտքերի փոխանակման ընթացքում քննարկուել են յետագայ ծրագրերը եւ անելիքները: