23-07-2010 17:11:20 | | Ի՞նչ է գրում սփյուռքի մամուլը
«Րատիքալ», վկայակոչելով բրիտանական «Ֆայնանշըլ Թայմս»
պարբերականը, կը հաղորդէ, որ «Ազատութեան նաւատորմիղ»-ի ու
իսրայէլեան բանակի զինուորներու միջեւ տեղի ունեցած միջադէպէն ետք
արտառոց դէպք մը պատահած է Թուրքիոյ եւ Ամերիկայի Արտաքին
Նախարարներու հանդիպման ընթացքին: Ինչպէս ծանօթ է, «Կապոյտ
Մարմարա»-ի վրայ կատարուած յարձակումէն անմիջապէս վերջ Տավուտօղլու
14 Յունիսին Ուաշինկթըն մեկնած էր` Ամերիկայի իր պաշտօնակից Հիլըրի
Քլինթընի հետ «Կապոյտ Մարմարա»-ի ճամբորդները Թուրքիոյ յանձնելու
առընչութեամբ բանակցութիւններ վարելու նպատակով:
«Ֆայնանշըլ Թայմս» կը գրէ, որ այդ հանդիպման ընթացքին
Տավուտօղլուն բարկանալով քանի մը անգամ բռունցքով հարուածած է
սեղանի վրայ եւ պոռացած Ամերիկայի Արտաքին Նախարարի երեսին:
Հետաքրքրական է, որ Տավուտօղլու չէ ուզած մեկնաբանել այս
լուրը, պարզապէս յայտարարելով, որ «որեւէ երկիր օրէնքէն վեր պէտք
չէ ըլլայ»: