ԵՐԵՎԱՆ, 9 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Փետրուարի 9-ի աշխատանքային
հանդիպման ժամանակ Արմաւիրի մարզպետ Աշոտ Ղահրամանեանը Հայաստանի
նախագահ Սերժ Սարգսեանին զեկուցել է 2008թ.-ի ընթացքում մարզում
կատարուված եւ այս տարուայ կտրուածքով ծրագրաւորուած, ինչպէս նաեւ
նախագահի նախընտրական ծրագրով ենթադրվող եւ նախընտրական
քարոզարշավի ընթացքում մարզի բնակիչների կողմից բարձրացուած
խնդիրների լուծման ուղղութեամբ տարւվող աշխատանքների ընթացքի մասին:
Ս.Սարգսեանը յանձնարարել է լուրջ ուշադրութիւն դարձնել եւ
համապարփակ քայլեր ձեռնարկել ինչպէս ոռոգման ջրի ապահովման, այնպէս
էլ արտադրուած գիւղմթերքների իրացման ուղղութեամբ:
Ա.Ղահրամանեանը յայտնել է, որ շուտով կմեկնի Սվերդլովսկի
մարզ` գիւղմթերքների իրացման հետ կապուած համապատասխան պայմանագրեր
ստորագրելու նպատակով: Մարզպետը նաեւ տեղեկացրել է, որ Ռուսաստանի
Դաշնութեան այդ մարզի պատուիրակութիւնն իր հերթին պատրաստւում է
ժամանել Հայաստան եւ համապատասխան պայմանագրեր ստորագրել հեղի
արտադրողների հետ: Ըստ մարզպետի, աշխատանքներ են տարւում Արմաւիրի
մարզում Սվերդլովսկի տրակտորի գործարանի մասնաճիւղ կառուցելու
ուղղութեամբ: