«Էկոգլոբ» ընկերությությունն իրականացնելու է օրգանական
գիւղատնտեսական սննդամթերքի սերտիֆիկացում
19-01-2009 18:00:00 | Հայաստան | Տնտեսութիւն
ԵՐԵՎԱՆ, 19 ՅՈՒՆՎԱՐԻ, ՆՈՅԵԱՆ ՏԱՊԱՆ: «Էկոգլոբ» ընկերութիւնն
այսուհետ Հայաստանում իրականացնելու է օրգանական գիւղատնտեսական
սննդամթերքի սերտիֆիկացում: Ինչպէս յունվարի 19-ի ասուլիսում
յայտնեց ընկերութեան գլխաւոր տնօրէն Նունէ Դարբինեանը, օրգանական
գիւղատնտեսութիւնը մաքուր գիւղատնտեսական գործունէութիւն է,
որը հիմնականում հիմնուած է առանց հանքային պարարտանիւթերի ու
քիմիական միջոցների սննդամթերքի ու հումքի արտադրութեան վրայ:
ՀՀ գիւղատնտեսութեան փոխնախարար Սամուէլ Աւետիսեանի խօսքերով,
ներկայումս հանրապետութիւնում գործում են շուրջ 40 ֆերմերներ,
որոնք այս կամ այն չափով զբաղւում են օրգանական
գիւղատնտեսութեամբ: Սակայն, ոչ բոլոր ընկերություններն ունեն
սերտիֆիկատներ, այսինքն` օրգանական գիւղատնտեսութեամբ զբաղուելու
իրաւունք: Ըստ փոխնախարարի, այսօր խանութներում վաճառւում են «Bio»
կամ «Eco» մակնշումներով սննդամթերքներ, որոնք արտադրուղ ոչ բոլոր
ընկերություններն դրա իրաւունքն ունեն: Իսկ «Էկոգլոբ»-ը իրաւասու է
այդ ընկերութիւններին տրամադրել ճանաչման կարգի փաստաթուղթ, ինչը,
Ս.Աւետիսեանի խօսքերով, կընդունուի նաեւ արտասահմանում: Փոխնախարարը
նշեց նաեւ, որ 2008թ.-ի մայիսին ՀՀ Ազգային Ժողովն ընդունել է
«Օրգանական գիւղատնտեսութեան մասին» օրէնքը, որը գործողութեան մէջ
կդրուի այս տարուայ մայիսից:
«Էկոգլոբ»-ը տարածաշրջանում առաջին ընկերութիւնն է, որը
գերմանական DAP ընկերութեան կողմից օրգանական
գյուղատնտեսությունում ու սննդամթերքի վերամշակման ոլորտում
ճանաչուել է սերտիֆիկացում անցկացնելու իրաւասու ընկերութիւն: