ՀՀ կառավարութիւնը հաստատել է «Գառնի-Գեղարդ» զբոսաշրջային
երթուղու բարեկարգման միջոցառումների ցանկը
18-12-2008 21:00:00 | Հայաստան | Տնտեսութիւն
ԵՐԵՎԱՆ, 18 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: ՀՀ կառավարութիւնը
դեկտեմբերի 17-ի նիստում կայացրել է «Գառնի-Գեղարդ» զբոսաշրջային
երթուղու բարեկարգման միջոցառումների ցանկի հաստատման մասին
որոշում:
Ըստ ՀՀ կառավարութեան Տեղեկատուութեան եւ հասարակայնութեան հետ
կապերի վարչութեան, սահմանուել է, որ որոշման հավելվածով նախատեսուած
միջոցառումները (բացառութեամբ 4-րդ կէտի) իրականացւում են
համապատասխան պատասխանատու մարմիններին` իրենց գործունէութեան
իրականացման համար ՀՀ պետական բիւջէից յատկացուած միջոցների
հաշուին: Յանձնարարուել է ՀՀ ֆինանսների նախարարին` մեկամսեայ
ժամկէտում ՀՀ կառավարութիւն ներկայացնել առաջարկութիւն` որոշման
հաւելուածի 4-րդ կէտով նախատեսուած միջոցառումը (Գողթի համայնքի եւ
«Գառնի-Գեղարդ» զբոսաշրջային երթուղում ընդգրկուած համայնքների
կանոնաւոր աղբահանութեան կազմակերպում) իրականացնելու նպատակով,
2009թ.-ի պետական բիւջէով նախատեսուած` ՀՀ կառավարութեան
պահուստային ֆոնդից Կոտայքի մարզպետարանին 29 մլն դրամ (մօտ 95
հազ. ԱՄՆ դոլար) յատկացնելու վերաբերեալ:
Որոշմամբ սահմանուած միջոցառումների իրականացման համար
պատասխանատու մարմիններին յանձնարարուել է համապատասխան միջոցառման
համար սահմանուած ժամկէտի աւարտից յետոյ, 10 օրուայ ընթացքում
միջոցառման կատարման վերաբերեալ տեղեկատուութիւն ներկայացնել ՀՀ
էկոնոմիկայի նախարարին: Մէկ այլ յանձնարարականի համաձայն, ՀՀ
տրանսպորտի եւ կապի նախարարը 1 շաբաթուայ ընթացքում ՀՀ
կառավարութիւն կներկայացնի առաջարկութիւն` Երեւան քաղաքի Նոր
Նորք համայնքի սահմանից սկսած Ջրվէժ համայնքի տարածքով անցնող
աւտոճանապարհի առաջին կիլոմետրի սպասարկումն ապահովելու
վերաբերեալ: Յանձնարարուել է նաեւ ՀՀ էկոնոմիկայի նախարարին`
որոշման 4-րդ կէտով նախատեսուած վերոհիշյալ տեղեկատուութիւնը
ստանալուց յետոյ, 15 օրուայ ընթացքում իրականացուած միջոցառումների
վերաբերեալ ամփոփ հաշուէտւութիւն ներկայացնել ՀՀ կառավարութիւն,
ինչպէս նաեւ «Երեւան-Գառնի-Գեղարդ» զբոսաշրջային երթուղու հետ
կապուած եւ համապատասխան տեղական ինքնակառավարման մարմինների
իրաւասութեանը վերաբերող խնդիրներ յայտնաբերելու դէպքում,
վերջիններիս առաջարկութիւններ ներկայացնել դրանց լուծման
ուղղութեամբ եւ կատարուված աշխատանքների վերաբերեալ հաշուէտւութիւն
ներկայացնել ՀՀ կառավարութիւն: