Համաշխարհային ֆինանսական ճգնաժամի ազդեցութեան հետեւանքները
Հայաստանի տնտեսութեան վրայ մենք կտեսնենք յունուարից»,- ասում է
Վահագն Խաչատրեանը
17-12-2008 23:00:00 | Հայաստան | Տնտեսութիւն
ԵՐԵՎԱՆ, 17 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: Ոչ բիւջէում, ոչ որեւէ
կոնկրետ փաստաթղթում համաշխարհային ֆինանսական տնտեսական ճգնաժամին
դիմագրավելուն ուղղուած ոչ մի քայլ չկայ: Ինչպէս դեկտեմբերի 17-ի
ասուլիսում յայտնեց Հայ ազգային կոնգրեսի (ՀԱԿ) ներկայացուցիչ
Վահագն Խաչատրեանը, որեւէ քայլ չի արւում հարկային քաղաքականութեան
փոփոխութեան, ինչպէս նաեւ փոքր եւ միջին բիզնեսի պաշտպանութեան
ուղղութեամբ: Ըստ նրա, իշխանութիւնը անում է այն` ինչ ուզում, իսկ
Ազգային ժողովը «հլու-հնազանդ ընդունում է որոշումներ, եւ
յունուարից կտեսնենք ճգնաժամի ազդեցութեան հետեւանքները մեր
տնտեսութեան վրայ»:
Ըստ Վ.Խաչատրեանի, ՀՀ կառավարութեան կողմից ներկայացուած
2009թ.-ի բիւջէն ոչ մի բանով չի տարբերւում հոկտեմբերին
ներկայացուած բիւջէի նախագծից, սակայն ճգնաժամը արդէն կար եւ
բիւջէի նախագծում պէտք է փոփոխութիւններ կատարվեին: Նրա
գնահատմամբ, Հայաստանում արդէն տնտեսական ճգնաժամ կայ, քանի որ
փակուել կամ կիսափակվել են լեռնամետալուրգիական համալիրի բոլոր
ձեռնարկութիւնները, «արմենալը» եւ այլն: «Հայաստանի տնտեսութիւնը
զարգացնելու կարեւոր նախապայմաններից մէկը աշխատանքային պայմանների
ապահովումն է, հարկային բեռի թեթեւացումը, որը կբերի միջին եւ փոքր
բիզնեսի զարգացմանը»,- նշեց ՀԱԿ-ի ներկայացուցիչը:
ՀՀ ԱԺ ՀՅԴ խմբակցութեան անդամ Արծուիկ Մինասեանը նույնպես
համակարծիք էր, որ ռիսկերի բացայայտման առումով միջազգային
ճգնաժամը պէտք է արտացոլվեր 2009թ.-ի բիւջէում: Ա.Մինասեանը նշեց,
որ ՀՅԴ-ն ՀՀ կառավարութիւն է ներկայացրել կոնկրետ
գործողութիւնների ծրագիր, որով նախանշվում են քայլեր,
մասնաւորապէս հայրենական արտադրութեան խրախուսման, տեղական
արտադրանքի արտահանման ուղղութեամբ: