Ափապաշտպան պատնէշի վերականգնման աշխատանքներ են իրականացւում
Ջանֆիդա գիւղի յատուածում
26-05-2010 15:40:00 | Հայաստան | Հասարակութիւն
ԱՐՄԱՒԻՐ, 26 ՄԱՅԻՍԻ, ՆՈՅԵԱՆ ՏԱՊԱՆ: Արմաւիրի մարզի Ջանֆիդա
գիւղի յատուածում Արաքսի վարարման հետեւանքով վտանգուել է
ափապաշտպան պատնէշը: Մայիսի 26-ին դէպքի վայր են մեկնել ՀՀ
արտակարգ իրավիճակների նախարար Արմէն Երիցյանը, գիւղատնտեսութեան
նախարարի տեղեկալ Սամուէլ Գալստեանը, Արմաւիրի մարզպետարանի
աշխատակիցներ:
Նշուած յատուածում աշխատում են ՀՀ արտակարգ իրավիճակների եւ
պաշտպանութեան նախարարութիւնների զինվորներն ու փրկարարական
ջոկատները. արդէն երեք օր է միջոցներ են ձեռնարկւում բնակավայրին
սպառնացող վտանգը չէզոքացնելու, ջրի ուղղութիւնը փոխելու, պատնէշը
վերականգնելու ուղղութեամբ: Դէպքի վայրում աշխատում են
ամբարձիչներ, մղաններ, տասնեակ ինքնաթափ մեքենաներ:
Ըստ ՀՀ Արտակարգ իրավիճակների նախարարութեան Տեղեկատուութեան
եւ հասարակայնութեան հետ կապերի վարչութեան հաղորդագրութեան,
բնակչութեանը վտանգ չի սպառնում եւ տարհանում չի իրականացւում: