Սանկտ Պետերբուրգում տեղի կունենայ երեք յայտնի հայուհիներին
նուիրուած «Լենինգրադի մադոննաները» գրքի շնորհանդէս
12-05-2010 21:30:00 | Ռուսաստան | Մշակոյթ
ՍԱՆԿՏ ՊԵՏԵՐԲՈՒՐԳ, 12 ՄԱՅԻՍԻ, ՆՈՅԵԱՆ ՏԱՊԱՆ-ՀԱՅԵՐՆ ԱՅՍՕՐ:
Մայիսի 14-ին, ժամը 14:00-ին Սանկտ Պետերբուրգի (ՌԴ) Մոսկվյան
շրջանի Մշակոյթի տանը տեղի կունենայ «Լենինգրադի մադոննաները» գրքի
շնորհանդէսը, որը նուիրուած է երեք հայ կանանց` Սոֆիա եւ Ռուզաննա
Լեւոնի Լալայաններին (Լալայան քույրերին) եւ Վալենտինա Գարեգինի
Շարապովային (Չեզմեչյան):
Ինչպէս տեղեկացնում է «ՆՈՅԵԱՆ ՏԱՊԱՆ»-ի թղթակիցը Սանկտ
Պետերբուրգից, միջոցառման կազմակերպիչներն են Սանկտ Պետերբուրգի
Մոսկվյան շրջանի կուլտուրայի տունը, ՌԴ եւ Սանկտ Պետերբուրգի կանաց
միութիւնները, «Ազգերի տուն» պետական կազմակերպույունը եւ
«Սանչու» հրատարակչութիւնը: Միջոցառմանը մասնակցելու համար
հրաւիրուած են պետական պաշտոնեաներ, Հայրենական մեծ պատերազմի
տարիներին պաշարուած Լենինգրադի բնակիչներ, պատերազմի վետերաններ,
ինչպէս նաեւ այլ կազմակերպութիւնների ներկայացուցիչներ: