Ստեֆան Էլմասյանն իր ստեղծած հիմնադրամի միջոցով մինչ այսօր
շարունակում է սատար կանգնել իր ազգին
30-04-2010 22:30:00 | Հայաստան | Հասարակութիւն
ԵՐԵՎԱՆ, 30 ԱՊՐԻԼԻ, ՆՈՅԵԱՆ ՏԱՊԱՆ-ՀԱՅԵՐՆ ԱՅՍՕՐ: ՀՀ սփիւռքի
նախարար Հրանուշ Յակոբեանը ապրիլի 30-ին ՀՀ Սփիւռքի նախարարութեան
պատւոգիր յանձնեց «Ստեֆան Էլմաս» հիմնադրամի նախագահ Ժան-Պիեռ
Բեռնարին: Տարիներ շարունակ «Ստեֆան Էլմաս» հիմնադրամը օգնութիւն
է ցուցաբերում Հայաստանին. հիմնադրամը ֆինանսաւկորում է «Արաբկիր»
Բժշկական համալիրում կատարւող բազմաթիւ վերանորոգման եւ կրթական
ծրագրեր: Իսկ ապրիլի 30-ին Երեւանում հիմնադրամի կազմակերպած
համերգի որջ հասոյթը փոխանցվելու է «Հայաստանում երիկամներով
հիւանդ երեխաների համար շուեցարական հիմնադրամին» (ՍԵՄՌԱ
հիմնադրամ):
Այդ օրը Երեւանի Կամերային երաժշտութեան տանը տեղի ունեցաւ
Ստեֆան Էլմասի անուան երիտասարդ դաշնակահարների հանրապետական
հինգերորդ մրցոյթի մրցանակաբաշխությունը: Մրցոյթի նպատական էր
յայտնաբերել երիտասարդ տաղանդաշատ երաժիշտ-կատարողների, ինչպէս
նաեւ տարածել ծագումով հայ կոմպոզիտոր Ստեֆան Էլմասի (Էլմասյան,
ծնուել է 1862 թ. Զմյուրնիայում, Թուրքիա: Մահացել է Ժնեւում)
երաժշտութիւնը: Համերգին ներկայ գտնուող «Արաբկիր» Միացեալ մանկական
բարեգործական հիմնադրամի տնօրէն Սպարտակ Ղազարեանը յայտնեց, որ
Հայաստանում կայ մօտ 80.000 երեխայ, որոնք շարունանական բուժման
եւ յատուկ կրթութեան կարիք ունեն:
Ինչպէս տեղեկացրեց համերգին ներկայ գտնուող «Ստեֆան Էլմաս»
հիմնադրամի նախագահ Ժան-Պիեռ Բեռնարը, մրցոյթի եզրափակիչ
բարեգործական համերգի եւ վաճառուած սկաւառակների ողջ հասոյթը
կտրամադրուի Արտաշատ քաղաքում հաշմանդամ երեխաների համար
վերականգնողական կենտրոնի կառուցմանը: Կենտրոնը, որի շնորհիւ
օժանդակություն կստանայ մօտ 700 հաշմանդամ երեխայ, կկառուցուի «Ստեֆան
Էլմաս» հիմնադրամի հայաստանեան գործընկեր «Արաբկիր» Միացեալ
մանկական բարեգործական հիմնադրամի (ՄՄԲՀ) աջակցութեամբ:
Ապրիլի 30-ին անցկացուած համերգը կազմակերպուել էր «Ստեֆան
Էլմաս» հիմնադրամի, Հայաստանում Շվեյցարիայի դեսպանատան
գրասենեակի, ՀՀ Սփիւռքի նախարարութեան, ՀՀ Մշակութի նախարարութեան
եւ Երեւանի Կոմիտասի անուան պետական կոնսերուատորիայի շնորհիւ:
Համերգն անցկացուեց ՀՀ ԱԺ նախագահ Հովիկ Աբրահամեանի հովանու ներքոյ: