Հայաստանում առաջին անգամ անցկացւում է Ստոմատոլոգների
համաշխարհային ֆեդերացիայի Եւրոպական ռեգիոնալ կազմակերպութեան
գլխաւոր ասամբլէան
29-04-2010 21:06:00 | Հայաստան | Հասարակութիւն
ԵՐԵՎԱՆ, 29 ԱՊՐԻԼԻ, ՆՈՅԵԱՆ ՏԱՊԱՆ: Հայաստանում ապրիլի
29-30-ին անցկացւում է Ստոմատոլոգների համաշխարհային ֆեդերացիայի
Եւրոպական ռեգիոնալ կազմակերպութեան Գլխաւոր ասամբլէան, որի
մասնակիցները կքննարկեն ոլորտի առջեւ ծառացած հիմնախնդիրները եւ
կառաջադրեն դրանց լուծման ուղիները:
Գլխաւոր ասամբլէայի բացմանը մասնացում էին նաեւ «Բարգաւաճ
Հայաստան» կուսակցութեան առաջնորդ Գագիկ Ծառուկյանը, ՀՀ
առողջապահութեան նախարար Յարութիւն Քուշկյանը եւ Ստոմատոլոգների
համաշխարհային ֆեդերացիայի նախագահ Ռոբերտո Վիաննան:
Ռ.Վիաննան նշեց, որ միջոցառման նպատակը ատամնաբուժութեան
ոլորտում առկայ խնդիրների քննարկումն ու համատեղ նոր ծրագրերի
մշակումն է: Նրա խօսքերով, ատամնաբուժութեան ոլորտում ներկայումս
ամենակարեւորը նոր իմպլանտների ներդրման, կարիեսի վերացման հարցերն
են: Նրա կարծիքով, Հայաստանում ստոմատոլոգիայի բնագաւառում որակեալ
ծառայութիւններ են մատուցվում: «Իզուր չէ, որ շատ երկրներից
մարդիկ գալիս են այստեղ բուժուելու»,- ասաց Ռ.Վիաննան:
Նշուեց նաեւ, որ Հայաստանի ստոմատոլոգների ասոցիացիան
Ստոմատոլոգների համաշխարհային ֆեդերացիային անդամակցում է
1999թ.-ից: