ԱՆԹԻԼԻԱՍ, 23 ԱՊՐԻԼԻ, ՆՈՅԵԱՆ ՏԱՊԱՆ-ՀԱՅԵՐՆ ԱՅՍՕՐ: Ապրիլի 20-ին Մեծի Տանն Կիլիկիոյ Արամ Ա կաթողիկոսը Վեհարանի իր գրասենեակում ընդունել է World Vision միջազգային կազմակերպութեան Միացեալ Նահանգների կենտրոնի պատասխանատուները, Ժան Բուշըբըլի եւ Թերի Մենսֆիլդի գլխաւորութեամբ: Նրանց ընկերացել են կազմակերպութեան Լիբանանի տնօրէն եւ տեղական կենտրոնի պատասխանատուները,- հաղորդում են Անթիլիասի մայրավանքից: Հանդիպման ընթացքում քննարկուել են մի շարք համատեղ ծրագրեր, այդ թւում` կրօնի դասագրքերի հրատարակում: Վեհափառ Հայրապետն ընդգծել է նոր սերնդի դաստիարակությանն ուղղուած ծրագրերի կարեւորութիւնը:

---