Մեծի Տանն Կիլիկիոյ կաթողիկոսութիւնը Կուալա Լումպուրում
մասնակցել է Ասիայի եկեղեցիների 13-րդ համաժողովին
23-04-2010 19:29:00 | | Հասարակութիւն
ԱՆԹԻԼԻԱՍ, 23 ԱՊՐԻԼԻ, ՆՈՅԵԱՆ ՏԱՊԱՆ-ՀԱՅԵՐՆ ԱՅՍՕՐ: Ապրիլի 15-ին
Կուալա Լումպուրում իր աշխատանքներն է սկսել Ասիայի քրիստոնեայ
եկեղեցիների 13-րդ համաժողովը,- տեղեկացնում են Անթիլիասի
մայրավանքից: Համաժողովին մասնակցել է տարածաշրջանի եկեղեցիների
250 ներկայացուցիչ:
Մեծի Տանն Կիլիկիոյ կաթողիկոսութեան անունից, Արամ Ա
կաթողիկոսի տնօրինությամբ, համաժողովին մասնակցել են Իրանի երեք
թեմերը ներկայացնող պատուիրակութիւն, Թեհրանի հայոց թեմի առաջնորդ
Սեպուհ արքեպիսկոպոս Սարգիսյանի գլխաւորութեամբ: Պատուիրակութեան
կազմում են եղել Վաչիկ Հայրապետեանը եւ Սելին Թորոսեանը:
Համաժողովը յատուկ արարողակարգով Մեծի Տանն Կիլիկիոյ
կաթողիկոսությունն ընդունել է իբրեւ Ասիայի քրիստոնեայ եկեղեցիների
խորհրդի մշտական անդամ` հաշուի առնելով Իրանի տարածքում գտնուող
Հայոց եկեղեցական երեք` Թեհրանի, Սպահանի եւ Ատրպատականի թեմերը:
Սեպուհ արքեպիսկոպոս Սարգիսյանը հանդիպում է ունեցել նաեւ
Եկեղեցիների համաշխարհային խորհրդի ընդհանուր քարտուղար Օլավ Ֆիքս
Թուեյթիի հետ: Նոյն օրը Հայ եկեղեցու պատուիրակութիւնը պաշտօնական
հանդիպում է ունեցել Ասիայի քրիստոնեայ եկեղեցիների խորհրդի
նորընտիր ընդհանուր քարտուղարի հետ: