Պատմական գիտութիւնների դոկտոր Կլիմենտ Յարութիւնեյանը
պարգեւատրուել է ՀՀ ԳԱԱ-ի Վաստակագրով
20-04-2010 19:46:00 | Հայաստան | Հասարակութիւն
ԵՐԵՎԱՆ, 20 ԱՊՐԻԼԻ, ՆՈՅԵԱՆ ՏԱՊԱՆ: 70-ամեայ յոբելեանի
կապակցութեամբ եւ Հայրենական Մեծ պատերազմի պատմութեան ոլորտում
ունեցած մեծ վաստակի համար Հայաստանի ԳԱԱ-ի Պատմութեան ինստիտուտի
առաջատար գիտաշխատող, պատմական գիտութիւնների դոկտոր Կլիմենտ
Յարութիւնյանին ՀՀ ԳԱԱ նախագահութիւնը ապրիլի 20-ին պարգեւատրել
է ՀՀ ԳԱԱ-ի Վաստակագրով:
«Կլիմենտ Յարութիւնեյանը այս տարիների ընթացքում իրեն փայլուն
է դրսեւորել որպէս պատմաբան եւ հետազոտող»,- իր շնորհաւորական
ելոյթում նշել է ՀՀ ԳԱԱ նախագահ Ռադիկ Մարտիրոսեանը:
Ըստ ՀՀ ԳԱԱ Տեղեկատուական-վերլուծական կենտրոնի,
Կ.Յարութիւնեյանը յայտնաբերել է ԽՍՀՄ ռազմական արխիւների
փաստաթղթերը: Նրա գրքերը նուիրուած են ինչպէս ամբողջ պատերազմին,
այնպէս էլ հայկական դիվիզիաներին ու ռազմական գործողութիւններին`
ըստ երկրների տարածքի:
«Ոչ թէ իմ աշխատանքն է գնահատւում, այլ հայ ժողովրդի
մասնակցութիւնը Հայրենական մեծ պատերազմին»,- իր պատասխան
ելոյթում ասել է հոբելյարը: