ԵՐԵՎԱՆ, 1 ԱՊՐԻԼԻ, ՆՈՅԵԱՆ ՏԱՊԱՆ: ՀՀ վարչապետ Տիգրան
Սարգսեյանի մասնակցութեամբ «Գեոդեզիայի եւ քարտեզագրության
կենտրոնում» ապրիլի 1-ին տեղի ունեցաւ Տիեզերական ընդունիչ կայանի
գործարկումը:
Ինչպէս նշեց ՀՀ կառավարութեանն անընթեր Անշարժ գոյքի
կադաստրի պետական կոմիտէի նախագահ Մանուկ Վարդանեանը, Տիեզերական
ընդունիչ կայանի հիմնական նպատակն է իրական ժամանակահատուածում
հանրապետութեան տարածքում երկրի մակերեւույթի բազմատիրույթ հեռահար
զոնդավորման միջոցով բարձր տեղեկատուական պատկերների ստացումը,
տեղեկատուութեան օպերատիւ տեղախոխման ապահովումը ռադիոալիքի
միջոցով: Ըստ Մ.Վարդանեանի, սարքը բաւական ճշգրիտ հաղորդագրում է
իրականացնում` մինչեւ 1 մետր ճշտութեամբ նկարահանում, երբ
նախկինում դա կատարւում էր 2 մետր եւ աւելի ճշտութեամբ:
Նրա խօսքերով, կենտրոնի կողմից մշակուած տուեալները
կօգտագործուեն գեոդեզիայի եւ քարտեզագրության խնդիրների լուծման,
նավիգացիայի ապահովման, բնապահպանութեան, գիւղատնտեսութեան,
քաղաքաշինութեան, պաշտպանական, բնօգտագործման, տարերային եւ
տեխնոլոգիական աղէտների, բնական միջավայրի վերահսկողութեան համար:
Նշուեց նաեւ, որ կառավարութեան որոշմամբ 2010թ.-ից ցանկացած
պետական մարմին Կադաստրի պետական կոմիտէից կարող է համապատասխան
ծառայութիւններ ստանալ: