Ֆրանսիան ճանաչել է իր պատասխանատւութիւնը հրեաների
արտաքսման համար
17-02-2009 17:45:00 | | Միջազգային
ՓԱՐԻԶ, 17 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Ֆրանսիայի բարձրագոյն
իրաւաբանական մարմինը ճանաչել է պետութեան «պատասխանատւութիւնը»
Երկրորդ համաշխարհային պատերազմի ժամանակ հրեաների արտաքսման
համար, հաղորդում է BBC-ն:
Պետական խորհուրդը յայտարարել է, որ ֆրանսիական պետութիւնը
թույլատրել է եւ մասամբ աջակցել հրեաների արտաքսմանը
համակենտրոնացման ճամբարներ առանց նացիստների կողմից հարկադրանքի:
Սակայն խորհուրդը նաեւ խօստովանել է, որ Ֆրանսիան փոխհատուցում է
վճարել զոհվածների հարազատներին, «որքանով որ դա հնարաւոր է եղել
պատճառուած կորուստների համար»:
1942-ից 1944 թուականներին մօտ 76 հազար հրեաներ են արտաքսուել
Ֆրանսիայից Վիշիի պրոնացիստական կառավարութեան կողմից: 1995
թուականին երկրի այդ ժամանակուայ նախագահ Ժակ Շիրակը պաշտօնապէս
ընդունել էր ֆրանսիացի հրեաների արտաքսման համար Ֆրանսիայի
պատասխանատւութիւնը: