2008 Թ.-Ի ՀՈԿՏԵՄԲԵՐԻՆ ՀԱՅԱՍՏԱՆՈՒՄ ՈՉ ՊԱՐԵՆԱՅԻՆ ԱՊՐԱՆՔՆԵՐԻ
ԳՆԵՐԸ 0,8%-ՈՎ ՆՈՒԱԶԵԼ ԵՆ
03-11-2008 19:00:00 | Հայաստան | Տնտեսութիւն
ԵՐԵՎԱՆ, 3 ՆՈՅԵՄԲԵՐԻ, ՆՈՅԵԱՆ ՏԱՊԱՆ: Հայաստանի ոչ պարենային
ապրանքների շուկայում 2008թ.-ի հոկտեմբերին սեպտեմբերի համեմատ
գրանցուած 0,8% գնանկման վրայ իր անմիջական ազդեցութիւնն է թողել
բենզինի եւ դիզելային վառելիքի, համապատասխանաբար, 6,1% եւ 7,5%
գնանկումը:
ՀՀ Ազգային վիկագրական ծառայութեան տուեալներով, 2008թ.-ի
հոկտեմբերին սեպտեմբերի համեմատ հանրապետութիւնում գրանցուել է
կենցաղային էլեկտրաապրանքների, ոսկերչական ապրանքների,
շինանիւթերի, մշակոյթի ապրանքների 0,3-0,2% գնանկում:
Վառելիքի, կահոյքի, գորգեղէնի, անձնապիտոյ, գեղայարդարման
ապրանքների, տեքստիլեղենի, գրենական պիտոյքների, հագուստի եւ
գործուածքի, կոշկեղենի գները նշուած ժամանակահատուածում աճել են
0,1-1,9%-ով, իսկ խոհանոցային սպասքի, լւացող միջոցների եւ
դեղամիջոցների գների մակարդակը նախորդ ամսուայ համեմատ մնացել է
անփոփոխ: