2009 Թ.-ին ՔԱՂԱՔԱՇԻՆՈՒԹՅԱՆԸ ՅԱՏԿԱՑՈՒԵԼԻՔ ԲԻՒՋԷՏԱՅԻՆ
ՄԻՋՈՑՆԵՐԻ ԳԵՐԱԿՇԻՌ ՄԱՍԸ ԿՈՒՂՂՈՒԻ ԿՐԹԱԿԱՆ ՕԲՅԵԿՏՆԵՐԻ ՎԵՐԱՆՈՐՈԳՄԱՆԸ
31-10-2008 20:00:00 | Հայաստան | Տնտեսութիւն
ԵՐԵՎԱՆ, 31 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: ՀՀ 2009թ.-ի պետբիւջէի
նախագծով քաղաքաշինութեան ոլորտին յատկացուելու է 30 մլրդ դրամ, որի
գերակշռող մասը` 83%-ը, ուղղուելու է կրթական ոլորտի օբյեկտների
հիմնանորոգմանն ու շինարարութեանը: Ինչպէս լրագրողներին տեղեկացրեց
քաղաքաշինութեան նախարար Վարդան Վարդանեանը, 2008թ.-ի համեմատ մօտ
50%-ով աւելի գումար է յատկացուած միայն կրթական օբյեկտների
հիմնանորոգման եւ շինարարութեան աշխատանքներին, ինչի շնորհիւ
2009թ.-ին կվերանորոգուեն եւ կհիմնանորոգվեն 286 կրթական օբյեկտներ:
Նախարարը նշեց, որ մինչեւ 2013թ.-ը երկրաշարժից տուժած մօտ 7
հազար անօթեւան ընտանիքներ կապահովուեն բնակարաններով: Վերջերս
սկսուել են բնակարանային շինարարական աշխատանքները Գիւմրիի Անի
թաղամասում: Զուգահեր կշարունակուի բնակարանների գնման վկայագրերի
ծրագիրը, որի շրջանակներում 2008թ.-ին յատկացուել է 2,6 մլրդ դրամ,
եւ 4 մարզերում մօտ 500 ընտանիքներ բարելաւել են իրենց
բնակարանային պայմանները: Աղէտի գօտու վերականգնմանը 2009թ.-ի
բիւջէով նախատեսուած 4 մլրդ դրամից 1,7 մլրդ դրամը կուղղուի
բնակշինարարութեանը, մնացածը` բնակարանների գնման վկայագրերի
ծրագրին, որի շրջանակներում 2009թ.-ին 570-600 ընտանիքներ
կբարելավեն իրենց բնակարանային պայմանները: