ՀՀ-ՈՒՄ ԳՐԱՆՑՈՒԱԾ ԱՌԵՎՏՐԱՅԻՆ ԻՐԱՒԱԲԱՆԱԿԱՆ ԱՆՁԱՆՑ ԹԻՒԸ ՄԷԿ
ՏԱՐՈՒՄ ԱՃԵԼ Է 5,1%-ՈՎ, ԻՍԿ ԱՆՀԱՏ ՁԵՌՆԱՐԿԱՏԷՐԵՐԻՆԸ` 23,1%-ՈՎ
13-10-2008 18:00:00 | Հայաստան | Տնտեսութիւն
ԵՐԵՎԱՆ, 13 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: ՀՀ Արդարադատութեան
նախարարութեան Իրաւաբանական անձանց եւ անհատ ձեռնարկատէրերի
պետական ռեգիստրի գործակալութեան տուեալներով, 2008թ.-ի
յունուար-օգոստոսին գրանցուել են 2 հազ. 440 առեւտրային իրաւաբանական
անձինք եւ 11 հազ. 963 անհատ ձեռնարկատէրեր, որոնց ընդհանուր թիւը
2008թ.-ի սեպտեմբերի 1-ի դրութեամբ կազմել է, համապատասխանաբար, 58
հազ. 334 եւ 61 հազ. 481: ՀՀ Ազգային վիճակագրական ծառայութեան
տուեալներով, 2007թ.-ի սեպտեմբերի 1-ի դրութեամբ գրանցուած են եղել
55 հազ. 516 իրաւաբանական անձինք եւ 49 հազ. 945 անհատ
ձեռնարկատէրեր: Մէկ տարուայ ընթացքում իրաւաբանական անձանց թիւն աճել
է 5,1%-ով, իսկ անհատ ձեռնարկատէրերինը` 23,1%-ով:
2008թ.-ի յունուար-օգոստոսին լուծարուել են 645 իրաւաբանական
անձինք եւ 1 հազ. 66 անհատ ձեռնարկատէրեր:
2008թ.-ի յունուար-յունիսին գրանցուած 2 հազ. 440 իրաւաբանական
անձինք կատարել են մօտ 17 մլրդ 614 մլն դրամի (մօտ 57 մլն 519 հազ.
ԱՄՆ դոլար) ներդրումներ: Օտարերկրեայ ներդրումներով հիմնուած 241
ձեռնարկութիւններում կատարուել են աւելի քան 9 մլրդ 134 մլն դրամի
ներդրումներ, որոնցից միայն օտարերկրեայ իրաւաբանական անձանց եւ
քաղաքացիների կողմից հիմնադրուած 140 ձեռնարկութիւններում` աւելի
քան 7 մլրդ 765 մլն դրամի, իսկ 101 համատեղ ձեռնարկութիւններում`
մօտ 2 մլրդ 58 մլն դրամի ներդրումներ: