ԳՈՐԻՍ, 10 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Հոկտեմբերի 10-ին
Գորիսում տեղի ունեցաւ «Արդշինինվեստբանկ»-ի «Գորիս» մասնաճիւղի
վերաբացման հանդիսաւոր արարողութիւնը: Մասնաճիւղի վերանորոգուած
մասնաշէնքը հագեցուած է աշխատանքի համար անհրաժեշտ արդիական
տեխնիկայով եւ պատրաստ է յաճախորդներին սպասարկել առաւել
յարմարաւետ պայմաններում:
Ըստ բանկի վարչութեան նախագահ Արամ Անդրէասեանի, սա մէկ
ամսում երկրորդ վերանորոգուած մասնաճիւղի բացումն է Սիւնիքի
մարզում. մօտ մէկ ամիս առաջ վերաբացուեց «Սիսիան» մասնաճիւղը:
Նշուեց, որ բանկը շարունակում է իրագործել իր որդեգրած
քաղաքականութիւնը` ստեղծել համապատասխան պայմաններ հասարակութեան
տարբեր շերտերը ներկայացնող ազգաբնակչութեանը որակեալ բանկային
ծառայութիւններ մատուցելու համար:
Ընդհանուր առմամբ «Արդշինինվեստբանկ»-ն ունի 49 մասնաճիւղ
ՀՀ-ում, 6 մասնաճիւղ` ԼՂՀ-ում, եւ ներկայացուցչութիւն Փարիզում:
Այսօր բանկի մասնաճյուղային ցանցի 47%-ը վերանորոգուած է եւ
համապատասխանում է ժամանակակից պահանջներն: