ԱՅՍ ՏԱՐԻ «ՄԱՆԿԱԿԱՆ ԵՎՐՈՏԵՍԻԼ» ԵՐԳԻ ՄԻՋԱԶԳԱՅԻՆ ՄՐՑՈՅԹՈՒՄ
ՀԱՅԱՍՏԱՆԸ ԿՆԵՐԿԱՅԱՑՆԻ ԳԻՒՄՐԵՑԻ ՄՈՆԻԿԱ ՄԱՆՈՒՉԱՐՈՎԱՆ
15-07-2008 17:45:00 | Հայաստան | Մշակոյթ
ԵՐԵՎԱՆ, 15 ՅՈՒԼԻՍԻ, ՆՈՅԵԱՆ ՏԱՊԱՆ: Կիպրոսում նոյեմբերի 22-ին
կայանալիք «Մանկական եվրոտեսիլ» երգի միջազգային մրցոյթում
Հայաստանը կներկայացնի 12-ամեայ Մոնիկա Մանուչարովան` Գիւմրիից:
Փոքրիկ երգչուհին կկատարի «Իմ երգի հնչյունը» երգը, որը օրեր առաջ
կայացած հայաստանեան նախընտրական փուլում արժանացել է մրցոյթի
ժիւրիի եւ հանդիսատեսի հաւանութեանը: Ի դէեպ, երաժշտութիւնը գրել
է Մոնիկան, իսկ երգի տեքստը` Մերի Մնջոեանը:
Ինչպէս յուլիսի 15-ի ասուլիսում յայտնեց Հանրային
հեռուտատեսության արտաքին կապերի բաժնի պետ Դիանա Մնացականեանը,
մինչեւ կիպրոսեան մրցոյթը կնկրահանվի երգի տեսահոլովակը, մի փոքր
կփոխուեն երգի բառերն ու երաժշտութիւնը, գործիքավորումը կկատարի
Արա Թորոսեանը, իսկ բեմականացումը` Արտյոմ Գեւորգեանը: Կիպրոսում
Մոնիկային կձայնակցեն Մ.Մնջոեանը (Գիւմրի) եւ Սերինե Խոդիկյանը
(Էջմիածին), որոնք նույնպես մասնակցել են նախընտրական փուլին:
Նշենք, որ «Մանկական Եվրոտեսիլ»-ին կմասնակցեն 16 երկրների
ներկայացուցիչներ: Այն կկրի «Ուրախութիւն արեւի տակ» խորագիրը,
կանցկացուի յունական դիցաբանության մոտիվներով, իսկ հաղորդավարները
կլինեն Աֆրոդիտէ եւ Ադոնիս աստուածների կերպարանքով: Մրցոյթի
հովանաւորն այս տարի եւս ԵՈՒՆԻՍԵՖ-ն է: