ԵՐԵՎԱՆ, 8 ՅՈՒԼԻՍԻ, ՆՈՅԵԱՆ ՏԱՊԱՆ: Յուլիսի 10-12-ին
Ծաղկաձորում կանցկացուի ՀՀ նախագահի սահմանած «Լաւագոյն մարզական
ընտանիք» հանրապետական մրցոյթի եզրափակիչ փուլը: ՀՀ սպորտի եւ
երիտասարդության հարցերի փոխնախարար Խաչիկ Ասրեանը «ՆՏ» թղթակցին
յայտնեց, որ միջոցառումն աւանդական է դարձել. այն անցկացւում է
5-րդ տարին, եւ տարէցտարի աւելանում է մասնակիցների թիւը: Այս
անգամ համայնքներում անցկացուած նախնական փուլին ընդհանուր հաշւով
մասնակցել են 124 ընտանիքներ: Ծաղկաձորում կայանալիք եզրափակիչին
կմասնակցեն երկրի բոլոր մարզերի եւ ԼՂՀ-ի 36 ընտանիքներ: Մրցոյթի
ծրագրում ընդգրկուած են 6 մրցաձեւեր` փոխանցավազք, տեղից հեռացատկ,
թենիսի գնդակի նետում, պարանացատկ, պարանի ձգում եւ խաղային
փոխանցավազք: Ընդհանուր մրցանակային հիմնադրամը կազմում է 12 մլն
120 հազար դրամ: