ԾԻՐԱՆԻ ՄԻՋԱԶԳԱՅԻՆ 15-ՐԴ ՍԻՄՊՈԶԻՈՒՄԸ ԱՆՑԿԱՑՈՒԵԼՈՒ Է
ՀԱՅԱՍՏԱՆՈՒՄ
02-07-2008 17:50:00 | Հայաստան | Տնտեսութիւն
ԵՐԵՎԱՆ, 2 ՅՈՒԼԻՍԻ, ՆՈՅԵԱՆ ՏԱՊԱՆ: Այգեգործների միջազգային
կազմակերպութեան նախաձեռնութեամբ յունիսի 15-21-ին Իտալիայի Մատերա
քաղաքում կազմակերպուել է Ծիրանի 14-րդ միջազգային սիմպոզիումը,
որին մասնակցել են նաեւ ՀՀ Գիւղատնտեսութեան նախարարութեան
ներկայացուցիչները: Ինչպէս յուլիսի 2-ի ասուլիսում յայտնեց
գիւղատնտեսութեան փոխնախարար Սամուէլ Աւետիսեանը, սիմպոզիումի
շրջանակներում կազմակերպուած ցուցահանդէսում հայկական ծիրանը իր
համային յատկանիշներով գրաւել է առաջին տեղը: Միաժամանակ որոշուել
է, որ Ծիրանի միջազգային 15-րդ սիմպոզիումը անցկացուելու է
Հայաստանում:
Ս.Աւետիսեանի խօսքերով, Եվրոմիությանում գոյութիւն ունեն
ծիրանի համար մշակուած յատուկ ստանդարտներ, որոնց պէտք է
համապասխանեցնել հայկական ծիրանը: Ըստ փոխնախարարի, այդ
չափանիշներով կարեւորը ոչ միայն պտղի համային հատկանիշն է, այլեւ
գոյնը, պահպանման ժամկէտները, պտղի խոշորությունը. այդ առումով
հայկական ծիրանը զիջում է: Փոխնախարարը նշեց, որ եվրոպացիները
պտուղ գնելով առաջին հերթին նայում են տեսքին, այլ ոչ թէ համին.
մասնաւորապէս, միջազգային շուկայում բաւականին բարձր է գնահատւում
կարմրավուն ծիրանը:
Ս.Աւետիսեանը յայտնեց, որ նախատեսւում է մինչեւ սիմպոզիումի
կազմակերպումը համագործակցել ծիրանի մշակության տեխնոլոգիաներով
զբաղուող միջազգային կենտրոնների հետ, որպէսզի հայկական ծիրանի
մշակության համար նոր ուղիներ գտնուեն: Փոխնախարարի խօսքերով, թէեւ
Հայաստանը համարւում է ծիրանի հայրենիք, սակայն «այսօր մենք ծիրան
մշակել չգիտենք»: Ըստ նրա, ծիրանի ծառերը լինելով բարձրաբուն`
հնարաւորութիւն չեն տալիս, որպէսզի պտուղը հաւասարաչափ զարգանա,
ինչը նպաստում է կորուստներին: Իսկ Եվրոպայում տնկվում են գաճաճ
ծառեր, որոնց բարձրութիւնը չի գերազանցում 2-2,5 մետրը, արեւը
ամբողջովին թափանցում է ծառի մէջ եւ պտուղը հասունանում է համաչափ:
Բացի դրանից, այնտեղ այգիները պատւում են ցանցով, ինչի արդիւնքում
ծառերը պաշտպանւում են կարկուտից եւ ցրտահարությունից:
Ս.Աւետիսեանը յայտնեց, որ իրենք արդէն դիմել են ՄԱԿ-ի Պարենի եւ
գիւղատնտեսութեան կազմակերպութեանը, որպէսզի Հայաստանում գաճաճ
այգիների տնկման եւ նոր տեխնոլոգիաների ներդրման համար
աջացկություն ցուցաբերվի: