Յունուար-մարտ ամիսներին Հայաստանում արձանագրուել է սպանութեան
10 դէպք
02-04-2010 15:36:00 | Հայաստան | Հասարակութիւն
ԵՐԵՎԱՆ, 2 ԱՊՐԻԼԻ, ՆՈՅԵԱՆ ՏԱՊԱՆ: Յունուար-մարտ ամիսներին
Հայաստանում արձանագրուել է սպանութեան 10 դէպք, որից 8-ը
բացայայտուել է: Բացայայտուել է նաեւ նախկինում կատարուված սպանութեան
2 դէպք: Նոյն ժամանակահատուածում արձանագրուել եւ բացայայտուել է
սպանութեան փորձի 2 դէպք: Բացայայտուել է նաեւ նախկինում կատարուված
սպանութեան փորձի 1 դէպք:
Ըստ ՀՀ Ոստիկանութեան մամլոյ հաղորդագրութեան, այս տարուայ
առաջին եռամսյակում հանրապետութիւնում արձանագրուել է մահուան ելքով
մարմնական վնասուածք հասցնելու 4 դէպք, որից 3-ը բացայայտուել է:
Յունուար-մարտ ամիսներին արձանագրուել է կողոպուտի 50 դէպք,
որից բացայայտուել է 35-ը: Բացայայտուել է նաեւ նախկինում կատարուված
նմանատիպ հանցագործութեան 5 դէպք: նոյն ժամանակահատուածում
արձանագրուել է գողութեան 1057 դէպք, որից բացայայտուել է 628-ը:
Բացայայտուել է նաեւ նախկինում կատարուված նմանատիպ հանցագործութեան
52 դէպք: