Վիրահայերն աւելի կազմակերպուած եւ համախմբուած են դառնում
իրենց իրաւունքների պաշտպանութեան գործում
24-03-2010 19:39:00 | | Հասարակութիւն
ԹԲԻԼԻՍԻ, 24 ՄԱՐՏԻ, ՆՈՅԵԱՆ ՏԱՊԱՆ-ՀԱՅԵՐՆ ԱՅՍՕՐ: Վիրահայերն
աւելի համախմբուած են դառնում իրենց իրաւունքների պաշտպանութեան
գործում,- գրում է «Նորաշէն» հանդէսը: Օրերս լոյս է տեսել
«Նորաշէնի» նոր համարը, որը հասցրել է դառնալ Թբիլիսիի շատ հայերի
սիրելի պարբերականը: Իսկ բոլորովին վերջերս հնգամեայ ընդմիջումից
յետոյ բացուել է Հավլաբարի Սուրբ Էջմիածին եկեղեցին: Նրա
վերականգնման համար եպիսկոպոս Միրզախանեանը դիմել էր Գարեգին Բ
կաթողիկոսին, որի աջակցութեամբ էլ հանգանակութիւն էր կազմակերպուել
Սփիւռքի տարբեր անկիւններում: Եվ եկեղեցին հառնեց իր ողջ
գեղեցկությամբ: Ներկայումս աւարտւում են Սուրբ Գեւորգ եկեղեցուն
կից թեմի առաջնորդարանի վերականգնման աշխատանքները, որը լաւ նուէր
կլինի թբիլիսահայերի համար: