ԲԱՔՈՒ, 17 ՄԱՐՏԻ, ՆՈՅԵԱՆ ՏԱՊԱՆ: Ադրբեջանական "Trend News" լրատուական գործակալութեանը տուած հարցազրոյցում Թուրքիայի վարչապետի Եվրասիայի գծով օգնական Հեյբուլլահ Ռամազանօղլուն, անդրադառնալով Էրդողանի այն յայտարարութեանը, թէ իբր «Թուրքիայում ապօրինի բնակուող հայերին կարող են վտարել», յայտարարել է, որ հայերը եւ հայկական լոբբին պէտք է դրանից հետեւություններ անեն: Վերջինիս հավաստմամբ` Թուրքիայի վարչապետը ցանկանում է ցոյց տալ, որ եթէ հայերը փորձում են Ցեղասպանութեան միջոցով ճնշումներ գործադրել Անկարայի վրայ, ապա իրենք էլ հնարաւորութիւններ ունեն դրան հակազդելու համար:

---