Հրանուշ Յակոբեանը կարեւորել է Թուրքիայի հայ համայնքում
հայկական ինքնութեան պահպանման խնդիրը (լրացուած)
04-03-2010 20:48:00 | Հայաստան | Հասարակութիւն
ԵՐԵՎԱՆ, 4 ՄԱՐՏԻ, ՆՈՅԵԱՆ ՏԱՊԱՆ: Ընդունելով մարտի 3-ին
թուրքահայ գործարար Տիգրան Ալթունին, Հայաստանի սփիւռքի նախարար
Հրանուշ Յակոբեանը նշել է հայ ժողովրդի պատմութեան մէջ Ստամբուլի
հայ համայնքի կարեւոր դերակատարութիւնը եւ կարեւորել Թուրքիայի
հայ համայնքում հայկական ինքնութեան պահպանման խնդիրը: Նախարարը
մտահոգութիվւն է յայտնել Թուրքիայի հայ համայնքում
խառնամուսնությունների բարձր տոկոսի եւ հայախոսության մակարդակի
շարուակական անկման վերաբերեալ: Նա կարեւորել է ՀՀ Սփիւռքի
նախարարութեան կողմից այս տարի ապրիլին կազմակերպուելիք «Հայ
ինքնութեան պահպանումը խառնամուսնություններում» գիտագործնական
համաժողովին եւ «Արեւմտահայերի ուսուցման վիճակը սփիւռքում»
թեմայով գիտաժողովին Ստամբուլի հայ համայնքի ներկայացուցիչների
մասնակցութիւնը: Հանդիպման ժամանակ խօսուել է նաեւ
ստամբուլահայության կրթական հիմնախնդիրների մասին:
նոյն օրը Հ.Հակոբեանն ընդունել է նաեւ Հայաստանի ժողովրդական
արտիստ Վլադիմիր Մսրյանին, կինոռեժիսոր, սցենարիստ Արմէն Ռոնովին
եւ պրդյուսեր Յովհաննէս Գրիգորեանին: Հանդիպման ժամանակ քննարկուել
են ռուս մեծ գրող Անտոն Պաւլովիչ Չեխովի 150 ամեակին նուիրուած
հայ-ռուսական ֆիլմի սցենարի եւ հնարաւոր ֆինանսաւորման աղբիւրների
հետ կապուած հարցեր: Նախարարը հիւրերին ծանօթացրել է Սփիւռքի հայ
համայնքների պատմութեան վերաբերեալ ֆիլմաշարի ստեղծման Սփիւռքի
նախարարութեան ծրագրի հետ:
Ըստ ՀՀ Սփիւռքի նախարարութեան Մամուլի եւ հասարակայնութեան
հետ կապերի վարչութեան հաղորդագրութեան, մարտի 4-ին Հ.Յակոբեանը
Ազգային պատկերասրահի որմնանկարների դահլիճում մասնակցել է
Եւրոպայի Ժողովրդական կուսակցութեան հիմնադիր անդամ եւ նախագահ
Վիլֆրիդ Մարթենսի «Եւրոպա` ես պայքարում եմ, ես յաղթահարում եմ»
գրքի շնորհանդէսին: