Առաջիկայում Իրանի եւ Հայաստանի կրթութեան եւ գիտութեան
նախարարները կքննարկեն երկու երկրների բուհերի դիպլոմների
փոխճանաչման հարցը
19-02-2010 14:54:00 | Հայաստան | Հասարակութիւն
ԵՐԵՎԱՆ, 19 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Հայ-իրանական
բարեկամութիւնը, երկկողմ յարաբերութիւնները մշակոյթային եւ
քաղաքական տեսանկիւնից պատմական բնոյթ ունեն: Այս մասին փետրուարի
19-ի ասուլիսում նշեց Հայաստանում Իրանի Իսլամական Հանրապետութեան
արտակարգ եւ լիազօր դեսպան Սեյեդ Ալի Սաղաիյանը: Անդրադառնալով
երկու երկրների բուհերի դիպլոմների փոխճանաչման խնդրին, դեսպանը
յայտնեց, որ դա տեխնիկական բնոյթ է կրում:
Նշենք, որ անցեալ տարի Իրանոմ որոշում է կայացուել երկրում
Հայաստանի դիպլոմների չճանաչման մասին: Ս.Ալի Սաղաիյանը յայտնեց, որ
ԻԻՀ կրթութեան եւ գիտութեան նախարարի հրաւէրով մօտ ապագայում Իրան
կմեկնի ՀՀ ԿԳ նախարար Արմէն Աշոտեանը: Ըստ դեսպանի, այցի ընթացքում
կքննարկուի նաեւ դիպլոմների փոխճանաչման հարցը: Նշուեց նաեւ, որ
Հայաստանում սովորում են մօտ 1800 իրանցի ուսանողներ: