Փետրուարի 14-ին հայկական եկեղեցին կնշի Տյառնընդառաջը եւ Մեծ
Պահքը
12-02-2010 20:54:00 | Հայաստան | Հասարակութիւն
ԵՐԵՎԱՆ, 12 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Այս տարի փետրուարի 14-ին
հայկական եկեղեցին կնշի Տյառնընդառաջի տոնը եւ Մեծ Պահքը: Ինչպէս
փետրուարի 12-ի ասուլիսում յայտնեց Ս. Սարգիս եկեղեցու քահանա Տ.
Յակոբ Խաչատրեանը, Տյառնընդառաջի տոնը անշարժ տոներից է, իսկ Բուն
Բարեկենդանը, որով սկսւում է Մեծ Պահքը, շարժական եկեղեցական տոն
է:
Նրա խօսքերով, Տյառնընդառաջի տոնին բոլոր եկեղեցիներում Սուրբ
Պատարագից յետոյ կկատարուի նորապսակների օրհնութեան կարգ:
Տյառնընդառաջի տոնը սկսւում է փետրուարի 13-ի ժամը 15-ից եւ
աւարտւում յաջորդ օրվն ժամը 15-ին: Փետրուարի 13-ի ժամը 17-ին
եկեղեցիներում կատավում է ժամերգութիւն:
Ըստ Տեր Յակոբի, յաջորդ օրուայ առաւօտեան բոլոր եկեղեցիներում
տեղի է ունենալու պատարագի արարողութիւն: Նա նշեց, որ
Տյառնընդառաջը նորապսակների օրհնութեան օր է հռչակուել Գարեգին Բ
Ծայրագոյն Պատրիարք եւ Ամենայն Հայոց Կաթողիկոսի օրհնութեամբ:
Ասուլիսին մասնակցող ազգագրագէտ Ռուզաննա Ծատուրեանը
ներկայացրեց Տյառնընդառաջը նշելու իր տարբերակը. «Պիտի խարույկ
վառեմ իմ բակում, հալվա, աղանձ, գաթայ պատրաստեմ եւ ուրախ
մթնոլորտում ուրախ տոն անցկացնեմ` համարելով, որ գարունը մոտենում
է»: