Մայր Աթոռ Սուրբ Էջմիածնում նշուվել է Սրբոց Վարդանանց տոնը
12-02-2010 14:00:00 | Հայաստան | Հասարակութիւն
ԷՋՄԻԱԾԻՆ, 12 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Սրբոց Վարդանանց տոնի
առիթով փետրուարի 11-ին Մայր Աթոռ Սուրբ Էջմիածնում մատուցուել է
Սուրբ Պատարագ: Պատարագիչն էր Գեւորգեան Հոգեւոր ճեմարանի տեսուչ
Տ. Սահակ եպիսկոպոս Մաշալյանը:
Քարոզի ընթացքին անդրադառնալով սուրբ Վարդանանց նահատակության
խորհրդին` պատարագիչ Սրբազանը մասնաւորապէս նշել է.
«Չվախենանք նրանցից, որ կարող են մարմինը սպանելղ Հոգին
սպանելն անհնարին է: Մարդիկ իրար սպանում են զանազան պատճառներով
եւ ակնկալիքներով, եւ ամբողջ պատմութեան ընթացքին երեւում է մարդու
ըմբոստ ոգին` սեփական ազատութիւնն ու իրաւունքները պաշտպանելուն ի
խնդիր: Նոյնը եղավ նաեւ Վարդանանց պարագային, երբ մի ամբողջ ազգ
ոտքի ելաւ իր իսկ կամավորաբար ընդունած հաւատքը պաշտպանելու
նրանցից, ովքեր նպատակ ունէին զրկել վերջինիս սեփական հաւատքն
ունենալու եւ ազատօրէն պաշտելու իրաւունքից: ... Վարդանանց
պատերազմն աւարտուած չէ, շարունակւում է նաեւ այսօր, շարունակւում է
բոլոր նրանց դէմ, ովքեր ուզում են վերացնել մեր ազգի հոգին` Հայոց
Եկեղեցին: Եվ այդ շարունակւող պատերազմի ընթացքին իւրաքանչիւրս
պարտականութիւն ունենք մեզ համարելու եւ զգալու իբրեւ Վարդանանց
հետեւորդներ, քաջ Վարդանի զինվորներգ»:
Սրբոց Վարդանանց օրը Հայաստանեայց Առաքելական Սուրբ Եկեղեցին
նշում է նաեւ Գարեգին Բ Ծայրագոյն Պատրիարք եւ Ամենայն Հայոց
Կաթողիկոսի անուանակոչութեան տոնը: Այս առիթով հաւարտ Սուրբ
Պատարագի Մայր Տաճարում հանդիսաւոր կերպով կատարուել է Հայրապետական
մաղթանք: Մայր Աթոռի միաբաններն ու բարեպաշտ ժողովուրդը աղօթք են
ուղղել Բարձրեալ Տիրոջը Մայր Աթոռ Սուրբ Էջմիածնի անսասանութեան ու
պայծառության, Ամենայն Հայոց Կաթողիկոսի քաջառողջության եւ խաղաղ
ու բեղուն հայրապետութեան համար:
Ինչպէս «ՆՈՅԵԱՆ ՏԱՊԱՆ»-ին յայտնեցին Մայր Աթոռ Սբ. Էջմիածնի
Տեղեկատուական համակարգից, Նոյն օրը Գեւորգեան հոգեւոր ճեմարանի
դահլիճում տեղի է ունեցել հանդիսութիւն` նախագահութեամբ Մայր
Աթոռի լուսարարապետ Տ. Արարատ եպիսկոպոս Գալթագճյանի: Վարդանանց
հերոսամարտի մասին բանախօսութեամբ հանդէս է եկել ճեմարանի դասախօս
Դավիթ Գիւրջինեանը` ներկաների ուշադրութիւնը վերստին սեւեռելով
Վարդանանց կատարած գործի եւ ոգու վրայ: