Կալիֆորնիայի Կենտրոնական շրջանային դատարանը հաստատել է
Հայոց ցեղասպանութեան զոհերի 996 իրավահաջորդների դիմումները
09-02-2010 18:20:00 | Հայաստան | Հասարակութիւն
ԵՐԵՎԱՆ, 9 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Ֆրանսիական «Աքսա»
ապահովագրական ընկերութեան կողմից Հայոց ցեղասպանութեան զոհերի
ժառանգներին տրուող փոխհատուցման գումարների հետ կապուած հարցի
նկատմամբ հասարակութեան մեծ հետաքրքրութիֆւնը նկատի ունենալով, ՀՀ
Արդարադատութեան նախարարութիւնը օրեր առաջ դիմել է ընկերութեան
կարգաւորող յանձնաժողովի գործադիր տնօրէն Բարսեղ Գարթալյանին:
Վերջինս յայտնել է, որ ԱՄՆ Կալիֆորնիա նահանգի Կենտրոնական
շրջանային դատարանի դատաւոր Քրիստինա Սնայդերի կողմից ընդունուած
որոշմամբ հաստատուել են ընդամէնը 996 իրավահաջորդների դիմումները:
Այդ որոշումը վերջնական է եւ ենթակայ չէ բողոքարկման:
Յանձնաժողովը ստացել է 13 790 դիմում (մօտ 3840-ը ուղարկուել
էր ՀՀ Արդարադատութեան նախարարութեան կողմից), որից 12 794-ը
մերժուել է` համապատասխան փաստաթղթերի բացակայութեան պատճառով:
Հասցեատերերի անուններն, ըստ երկրների, դեռեւս ենթական չեն
հրապարակման, սակայն երկու շաբաթուայ ընթացքում բոլորին, այդ թւում
նաեւ նրանց, ում դիմումները մերժուել են, նամակներ կուղարկուեն:
Ըստ Բ.Գարթալյանի, որոշումները պատրաստ էին դեռեւս 2009թ.-ի
յուլիս-օգոստոս ամիսներին, բայց տեխնիկական պատճառներով դատարանի
որոշումը կայացուեց միայն այս տարուայ յունվարի վերջին: Խօսքը
ընդհանուր առմամբ 17,5 մլն դոլարի մասին է, որից 11,35 մլն-ը
տրվելու է ժառանգորդներին, իսկ մնացած գումարը նախատեսուած է
բարեգործական ընկերութիւնների եւ դատական ծախսերի համար: