ԵՐԵՎԱՆ, 5 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Հայաստանում, ինչպէս
Ադրբեջանում, Վրաստանում, Թուրքիայում, Եւրոմիութեան եւ ԱՊՀ այլ
երկրներում, կեանքի միջին տեւողությունը 74 տարի է: Այս մասին
փետրուարի 5-ի ասուլիսում յայտնեց ՀՀ առողջապահութեան փոխնախարար
Թաթուլ Յակոբեանը: Նա նշեց, որ Հայաստանում կանանց կեանքի միջին
տեւողությունը 77, իսկ տղամարդկանցը` 70 տարի է: Ըստ փոխնախարարի,
հանրապետութիւնում մահուան հիմնական պատճառներից են սրտանօթային
հիւանդութիւնները, որին յաջորդում են չարորակ
նորագոյացությունները, շնչառական օրգանների հիւանդութիւնները:
Անդրադառնալով առողջապահութեան ոլորտի ներկայ վիճակին,
խնդիրներին եւ ծրագրերին, Թ.Յակոբեանը յայտնեց, որ 2010թ.-ին
առողջապահութեան նախարարութեան ուշադրութեան կենտրոնում են լինելու
ոլորտի համար բեկումնային եւ էական նշանակութիւն ունեցող
ծրագրերը: Առաջնահերթութիւնը տրվելու է տարածքների համաչափ
զարգացման եւ արդիականացման ծրագրին, որի արդիւնքում շահագործման
կյանձնուեն Գորիսի, Արատատի, Արմաւիրի եւ Իջեւանի բժշկական
կենտրոնները: Բացի այդ, ծրագրի շրջանակներում կիրականացուեն Գաւառի,
Ապարանի ԲԿ-ների վերակառուցման եւ վերազինման աշխատանքները:
Փոխնախարարի գնահատմամբ, այդ ծրագրի արդիւնքում, մասնաւորապէս,
զգալիօրէն կնուազեն հիւանդների անհարկի ուղեգրումները մայրաքաղաք :
Թ.Յակոբեանը յայտնեց, որ 2009թ.-ին որոշակի դժուարութիւնների
պատճառով չիրականացուեց «Շտապ օգնութիւն» ծառայութեան
արդիականացման ծրագիրը, որը կմեկնարկի 2010թ.-ին: