«Քալաջյան» հիմնադրամը սկսում է իր ուսումնական կրթաթոշակային
ծրագիրը
03-02-2010 19:30:00 | | Հասարակութիւն
ԵՐԵՎԱՆ, 3 ՓԵՏՐՈՒԱՐԻ, ՆՈՅԵԱՆ ՏԱՊԱՆ-ՀԱՅԵՐՆ ԱՅՍՕՐ: «Քալաջյան»
հիմնդրամը ուրախ է յայտարարելու իր նոր կրթաթոշակային ծրագրի
մասին, որի նպատակն է տրամադրել անվճար ասպիրանտուրայի ուսում
կիպրահայ ուսանողներին: Ծրագրի գլխաւոր նպատակն է հնարաւորութիւն
տալ շարունակել ուսումը մագիստրատուրայում այն ուսանողներին, ովքեր
դրա հնարաւորութիւնը չունեն: Հենց այդ նպատակով «Քալաջյան»
հիմնադրամը համագործակցութեան համաձայնագիր է կնքել Հայաստանի
Ամերիկեան Համալսարանի հետ:
Կիպրահայ ուսանողների համար կարեւոր առաւելութիւններից է
նաեւ 2 տարի սովորել Հայաստանի Ամերիկեան Համալսարանի
մագիստրատուրայում: Մագիստրատուրայի ծրագիրը առաջարկում է 2
բաժիններ` հաշուապահութիւն եւ ֆինանսներ, մարկետինգ եւ կառավարում,
որը նաեւ ներառում է ուսման երկրորդ տարում պրակտիկան անցկացնել
Հայաստանի լաւագոյն կազմակերպություններում: Ծրագրի կարեւոր
առաւելութիւններից է նաեւ այն, որ Սփիւռքում ապրող ուսանողները,
որոնք կգրանցվեն այս ծրագրի համար, ուսման 2 տարիների ընթացքում
ապրելու են մեր մայրաքաղաք Երեւանում:
«Քալաջյան» հիմնադրամը սկսած 2010-2011ուս.տարուանից
նպատակադրված է ուղղարկելու 1 կիպրահայ ուսանողի` ստանալու
բարձրագոյն կրթութիւն Հայաստանի Ամերիկեան Համալսարանում:
Կրթաթոշակը կներառի ամէն ինչ` այդ թւում բնակարանի տրամադրում
Երեւանում: Դիմումների ընդունման վերջնաժամկէտն է 2010թ. մարտի
31-ը: